قازاقستان ەلشىسى راۋشان ەسبۋلاتوۆا قازاقستان مەن تايلاند اراسىنداعى ساۋدا ديالوگىن دامىتۋ مەن ءوزارا ءتيىمدى ىنتىماقتاستىقتى ۇيلەستىرۋ ماقساتىندا تايلاندتىق ىسكەرلىك توپتارىمەن كەزدەسۋ وتكىزدى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.
تايلاندتىڭ كاسىپكەرلەرىمەن كەزدەسۋ بارىسىندا ەلشى قازاقستاننىڭ بانگكوكتاعى ەلشىلىگى تايلاندتىق جانە شەتەلدىك كاسىپكەرلەر ءۇشىن ءوزارا ارەكەتتەسۋ تىزبەگىن – ەلشىلىكتەن باستاپ جەرگىلىكتى اتقارۋشى ورگاندارعا دەيىن ء«سىم – شەتەلدىك مەكەمەلەر – وڭىرلەر» فورماتىندا باعىتتاۋشى ءرول اتقاراتىنىن ەسكە سالدى.
قاتىسۋشىلار اۋىل شارۋاشىلىعى, ازىق-ت ۇلىك, جەڭىل ونەركاسىپ جانە ت.ب. ارنايى ەكونوميكالىق جانە يندۋستريالدى ايماقتار شەڭبەرىندەگى ينۆەستيتسيالىق مۇمكىندىكتەرمەن تانىستىرىلدى.
قازاقستان قازىرگى تاڭدا جاڭا ينۆەستيتسيالىق دامۋ كەزەڭىندە جانە كوپتەگەن بيزنەس مۇمكىندىكتەرى بار مەملەكەت بولىپ تابىلاتىندىعى جانە ينۆەستيتسيالىق جوبالاردىڭ شەتەلدىك قاتىسۋشىلارى ءۇشىن ەرەكشە جاعدايلار جاسالاتىندىعى تۋرالى ايتىلدى.
كەزدەسۋ سوڭىندا تاراپتار قازاقستان ايماقتارىنا بىرلەسكەن ءىسساپارلاردى ۇيىمداستىرۋدى جالعاستىرۋعا كەلىستى. اعىمداعى جىلدىڭ ماۋسىم ايىندا تايلاندتىق كومپانيالاردىڭ وكىلدەرى الماتىعا ساپار شەگىپ, الەۋەتتى سەرىكتەستەرمەن جانە «Kazakh Invest» ۇق» اق وكىلدەرىمەن كەزدەسۋلەر وتكىزگەنى ءمالىم.