وعان قازۇۋ وقىتۋشىلارى مەن ستۋدەنتتەرى, جاس عالىمدارى قاتىستى. سونداي-اق بۇل شارانى جۇزەگە اسىرۋعا رەسپۋبليكالىق «فوتوونەر» قوعامدىق بىرلەستىگى, «شىعىس اقپارات» مەدياحولدينگى, «بەرەل» مەملەكەتتىك تاريحي-مادەني قورىق-مۋزەيى دا اتسالىستى.
ەكسپەديتسيا مۇشەلەرى ءبىرىنشى كۇنى وسكەمەندەگى ەتنواۋىل ساياباعىمەن تانىستى. كەشەن ەرتىستىڭ سول جاق قاناتىنا ورىن تەپكەن. بىرەگەي كەشەندەگى ساياحاتتان سوڭ, وسكەمەننىڭ «كومپوزيتورلار اللەياسىندا» شىعىستاعى فوتوونەرگە قىزىعۋشى جاستاردىڭ قاتىسۋىمەن «National Geographic Qazaqstan» جۋرنالىنىڭ شەف-فوتوگرافى ەربولات شادراحوۆ پەن «ەگەمەن قازاقستان» گازەتىنىڭ ارداگەر ءفوتوتىلشىسى نۇرمانبەت قيزات ۇلى جانە باسقا دا كاسىبي فوتوگرافتاردىڭ جۇرگىزۋىمەن شەبەرلىك ساعاتى ءوتتى. بەلسەندى قاتىسىپ, فوتوگرافياعا قاتىستى سۇراقتارعا دۇرىس جاۋاپ بەرگەن كورەرمەندەرگە «فوتوونەر» قب-ءنىڭ اتىنان سىيلىقتار تابىستالدى.
فوتوونەرگە قىزىققان جاستاردىڭ باسىن قوسىپ, شىعىسقا جول باستاپ بارعان رەسپۋبليكالىق «فوتوونەر» قوعامدىق بىرلەستىگىنىڭ توراعاسى, قازۇۋ-دىڭ جۋرناليستيكا فاكۋلتەتىنىڭ وقىتۋشىسى اسىلحان ءابدىرايىم: «بيىل قازاقستاندا «جاستار جىلى» دەپ جاريالانعان بولاتىن. وسى باستاماعا وراي «كيەلى التاي» فوتوەكسپەديتسياسىمەن كەلىپ وتىرمىز. بۇل جەردەگى قاتىسۋشىلاردىڭ باسىم كوپشىلىگى جاس فوتوگرافتار. ونىڭ ىشىندە, سوڭعى كەزدەرى كوپشىلىك ورتاسىندا, الەۋمەتتىك جەلىدە تانىمال بولىپ جۇرگەن- تالانتتى جاستار دا بار. ءبىزدىڭ ماقساتىمىز – شىعىس ءوڭىرىنىڭ كيەلى جەرلەرىن, اتاپ ايتقاندا «بەرەل» مەملەكەتتىك تاريحي-مادەني قورىق-مۇراجايىن جاس فوتوگرافتاردىڭ كوزىمەن ءتۇسىرىپ, بولاشاقتا – وسكەمەندە, سەمەيدە, الماتىدا فوتوكورمەگە قويۋعا, ءارى وسى وڭىردەگى تۋريزم سالاسىنا ۇلەس قوسۋ, ات سالىسۋ, ناسيحاتتاۋ جۇمىستارىن جۇرگىزۋ. ءبىر سوزبەن ايتقاندا, وسىنداي تابيعاتى كەرەمەت تاريحي جەرى بار ءوڭىردى ەلىمىزگە جانە الەمگە تانىستىرۋ», دەپ اتاپ ءوتتى.
«كاتونقاراعاي» مەملەكەتتىك ۇلتتىق تابيعي پاركىندەگى اۆستريالىق تاس جولىنا جەتكەنشە, فوتو بلوگ-تۋر مۇشەلەرى تارعىن, سارىبەل, ۇلكەن نارىن سىندى اۋىلداردى باسىپ ءوتتى. التاي تاۋلارى سياقتى ۇلكەندى-كىشىلى وزەندەر مەن ەلدى-مەكەندەردى, تاۋلى شاتقالدار مەن اسۋلاردى دا ارتقا تاستادى.
شاراعا قاتىسقان قازۇۋ-دىڭ فيلوسوفيا جانە ساياستتانۋ فاكۋلتەتىنىڭ دوكتورانتى دوسجان بالابەك ۇلى: «بەرەل - تىلسىمعا تولى مەكەن. ەكى ءداۋىردىڭ قۇپياسىن جۇتقان وبالار. پاتشالار القابى. جان-جاعىن قورشاعان تاۋلار. سارقىراپ, كۇركىرەپ اققان اساۋ وزەندەر. قالىڭ ورماندار. مۇنىڭ بارلىعى ءبىز ءالى تولىق بىلە بەرمەگەن بەرەلدىڭ سيقىرلى جاراتىلىسى. سوندىقتان, بۇل جەرمەن تانىسۋ ءۇشىن ەلىمىزدىڭ ءار نۇكتەسىنەن بەلسەندى جاستار جينالدى. ماقسات-بەرەلدىڭ تۋريزمگە تاپتىرمايتىن تاريحي ورىن ەكەندىگىن ايشىقتايتىن, كاسىبي سۋرەتتەر ءتۇسىرىپ, كوپشىلىككە تانىستىرۋ جۇمىستارىنا ءبىر كىسىدەي اتسالىسۋ بولاتىن», دەپ ەرەكشە ورىنداعى اسەرىمەن ءبولىستى.
بۇل ساپار تاريحتى دا, تابيعاتتى دا قاتار قامتىدى. ءتورتىنشى كۇنگى ساپار اتاقتى مۇزتاۋدىڭ ەتەگىندەگى قاراكول كولىنە ساياحاتتاۋمەن جالعاستى. ساپار تاڭ اتا باستالدى. ءبىرىنشى بولىپ, ۋاقىت كەستەسىنە سايكەس توپ مۇشەلەرى «بەرەل» مەملەكەتتىك تاريحي-مادەني قورىق-مۋزەيىندە باس قوستى. ول جەردە ساپارعا قاتىسۋشىلار مۋزەي باسشىلىعىنىڭ ماراپتتاۋىنا يە بولدى.
«كيەلى التاي: بەرەل-2019» فوتو بلوگ-تۋرىنىڭ سوڭعى كۇنىندە قاتىسۋشىلار كاتونقاراعاي اۋدانىنىڭ ەلدى-مەكەنىن ارالاپ شىقتى. بۇل كۇن ساپاردى قورىتىندىلاۋ بولعانىمەن دە, فوتوگرافتار ءۇشىن ناعىز جۇمىس كۇنىنە اينالدى. ويتكەنى, اۋدان اۋماعى تۇنىپ تۇرعان تۇمسا تابيعات. سوندىقتان, كەز-كەلگەن نۇكتەدەن سۋرەت ءتۇسىرىپ قالۋ ماڭىزدى.
اتالعان كۇنى «بەرەل» مەملەكەتتىك تاريحي-مادەني قورىق-مۋزەيى قىزمەتكەرلەرى «فوتونەر» قب-ءنىڭ مۇشەلەرىنە ءبىر اپتا ىشىندە باۋىر باسىپ قالعانداي. قيماي قوشتاستى. بارلىق ۋاقىتتا ەسىكتەرى اشىق ەكەنىن دە جەتكىزدى. ولاردىڭ جۇمىسىنا ساتتىلىك تىلەپ, كۇزدە وتەتىن فوتوكورمەنى تاعاتسىزدانا كۇتەتىندىكتەرىن ايتتى.