ەلوردالىق «استانا» فۋتبول كلۋبى اندوررادا ەۋروپا ليگاسىنىڭ ەكىنشى ىرىكتەۋ كەزەڭىنىڭ اياسىندا جەرگىلىكتى «سانتا-كولوما» كومانداسىمەن كەزدەستى. ويىن 0:0 ەسەبىمەن اياقتالدى. بۇل تۋرالى Sports.kz حابارلادى.
قارىمتا ماتچ 1 تامىزدا نۇر-سۇلتان قالاسىندا وتەدى. ەۋروكۋبوكتىڭ كەزەكتى ويىن كۇنىنەن كەيىن قازاقستان ۋەفا-نىڭ كوەففيتسەنتتەر كەستەسىندە ءبىر ساتى كوتەرىلىپ, سوڭعى بەس ماۋسىمنىڭ 17,500 ناتيجەسىمەن 24 ورىنعا تابان تىرەدى. ءدال وسىنداي كوەففيتسەنت بەلارۋس ەلىندە, ال يزرايل 23-ورىنعا ورنالاستى (18,125).
ەسكە سالا كەتەيىك, وتاندىق وزگە كوماندالار ەرتەڭ ەۋروپا ليگاسىنداعى ماتچتارىن وتكىزەدى. «ورداباسى» چەحيادا «ملادا-بولەسلاۆ» كلۋبىمەن, ال «قايرات» يزرايلدە بەەر-شەۆادان كەلگەن «حاپوەل» كومانداسىمەن كەزدەسەدى.