بۇل جونىندە ايماق باسشىسى قۇمار اقساقالوۆتىڭ ارنايى تاپسىرماسى دا بار. جاقىندا 9-ءشى باعىت بويىنشا 4 قوعامدىق كولىك قولدانىسقا بەرىلدى. رەسەيدە قۇراستىرىلعان اۆتوبۋستىڭ ارقايسىسىنىڭ قۇنى 21 ميلليون تەڭگەنى قۇرايدى.
«جاڭانىڭ اتى– جاڭا. زاماناۋي قۇرىلعىلارمەن جابدىقتالعان. پانەلدى دە ىڭعايلى ەتىپ جاساپتى. ءرولى دە جەڭىل. ديزەلدىك وتىن از جاعىلادى», دەيدى جۇرگىزۋشى يۋري زايتسەۆ.
سالوندا بەينەباقىلاۋ كامەراسى ورناتىلعان. قوسالقى پەش جۇمىس ىستەيدى. ءىشى كەڭ ءارى ىڭعايلى.
ەندى 9-شى باعىت بويىنشا 18 قوعامدىق كولىك قاتىنايدى. جىل اياعىنا دەيىن 16-شى باعىتتاعى اۆتوبۋستاردى جاڭارتۋ جوسپارلانىپ وتىر. «سقو اۆتوكولiك وداعى» قاۋىمداستىعىنىڭ ءتورايىمى گالينا سەمەنوۆا جىل باسىنان بەرى 19 «تەمىر تۇلپار» ساتىپ الىنعانىن ايتادى.
تۇمەن قالاسىنداعى كاسىپورىنمەن كەلىسىم-شارت جاسالىپتى. ويتكەنى, بۇل ايماق قىزىلجار وڭىرىنە جاقىن ورنالاسقان. اۋا-رايى دا ۇقساس. وندا شىعارىلاتىن قوعامدىق كولىكتەر ولكەمىزدىڭ قىتىمىر قىسىنا شىداس بەرەدى.