سارسەنبى, 15 مامىر 2013 1:39
ءVى استانا ەكونوميكالىق فورۋمى شەڭبەرىندە 2013 جىلعى 23 مامىردا «بولاشاق قازاقستاننىڭ ەنەرگەتيكالىق تۇراقتىلىعىنىڭ ستراتەگياسى» اتتى پانەلدىك سەسسيا وتەدى.
سەسسيانىڭ كۇن تارتىبىنە «ەنەرگەتيكا-ەكونوميكا-ەكولوگيا» نەگىزىندەگى ءۇش تۇعىرعا سۇيەنە وتىرىپ, عىلىمي نەگىزدە قازاقستان جانە رەسەي عالىمدارى جاھاندىق ەنەرگو-ەكولوگيالىق ستراتەگيانى بەلگىلەۋ ماقساتىندا ارنايى دايىنداعان «2050 جىلعا دەيىنگى بولاشاق قازاقستاننىڭ ەنەرگەتيكالىق تۇراقتىلىعىنىڭ ستراتەگياسى» اتتى تۇجىرىمداما تالقىلاناتىن بولادى. قازاقستاننىڭ «جاھاندىق ەنەرگو-ەكولوگيالىق ستراتەگياسى جانە «جاسىل كوپىر» ىنتىماقتاستىق باعدارلاماسى» اتتى ەنەرگو-ەكولوگيالىق باستاماسى 2012 جىلعى 20-22 ماۋسىم ارالىعىندا وتكەن ريو+20-نىڭ تۇراقتى دامۋ جونىندەگى بۇۇ كونفەرەنتسياسىنىڭ قولداۋىنا يە بولدى.
سارسەنبى, 15 مامىر 2013 1:39
ءVى استانا ەكونوميكالىق فورۋمى شەڭبەرىندە 2013 جىلعى 23 مامىردا «بولاشاق قازاقستاننىڭ ەنەرگەتيكالىق تۇراقتىلىعىنىڭ ستراتەگياسى» اتتى پانەلدىك سەسسيا وتەدى.
سەسسيانىڭ كۇن تارتىبىنە «ەنەرگەتيكا-ەكونوميكا-ەكولوگيا» نەگىزىندەگى ءۇش تۇعىرعا سۇيەنە وتىرىپ, عىلىمي نەگىزدە قازاقستان جانە رەسەي عالىمدارى جاھاندىق ەنەرگو-ەكولوگيالىق ستراتەگيانى بەلگىلەۋ ماقساتىندا ارنايى دايىنداعان «2050 جىلعا دەيىنگى بولاشاق قازاقستاننىڭ ەنەرگەتيكالىق تۇراقتىلىعىنىڭ ستراتەگياسى» اتتى تۇجىرىمداما تالقىلاناتىن بولادى. قازاقستاننىڭ «جاھاندىق ەنەرگو-ەكولوگيالىق ستراتەگياسى جانە «جاسىل كوپىر» ىنتىماقتاستىق باعدارلاماسى» اتتى ەنەرگو-ەكولوگيالىق باستاماسى 2012 جىلعى 20-22 ماۋسىم ارالىعىندا وتكەن ريو+20-نىڭ تۇراقتى دامۋ جونىندەگى بۇۇ كونفەرەنتسياسىنىڭ قولداۋىنا يە بولدى.
سونىمەن بىرگە, سەسسيادا بىرىڭعاي تۇجىرىمداماعا بىرىكتىرىلگەن ايماقتىق جانە جاھاندىق ەنەرگو-ەكولوگيالىق باستامالار: بولاشاق قازاقستاننىڭ ەنەرگەتيكالىق تۇراقتىلىعىنىڭ ستراتەگياسى; ەكسپو-2017 «بولاشاق ەنەرگياسى»; «بارشا ءۇشىن تۇراقتى ەنەرگەتيكا» بۇۇ باستاماسى; «جاسىل كوپىر» جانە «جاسىل دامۋ» باعدارلاماسى, قازاقستان رەسپۋبليكاسىنىڭ «جاسىل ەكونوميكاعا» اۋىسۋى سياقتى باعدارلامالار مەن باستامالار تىلگە تيەك ەتىلەتىن بولادى. سەسسيا جۇمىسىنا قازاقستاننىڭ, رەسەيدىڭ, اقش-تىڭ, جاپونيانىڭ, گەرمانيانىڭ بەلگىلى عالىمدارى قاتىسادى دەپ كۇتىلۋدە.
فورۋم اياسىندا 24 مامىر كۇنى قازاقستان رەسپۋبليكاسى قارجى مينيسترلىگىنىڭ باستاماسىمەن «تاۋەكەلدەر جاعدايىندا مەملەكەتتىڭ قارجى جۇيەسىنىڭ تۇراقتى دامۋىن قامتاماسىز ەتۋدەگى اۋديت جانە بۋحگالتەرلىك ەسەپتىڭ ءرولى» دەگەن تاقىرىپتا پانەلدىك سەسسيا وتكىزىلەدى. بۇل سەسسياعا قاتىسۋشىلار ەلباسىنىڭ قازاقستان حالقىنا ارناعان جولداۋىنداعى جالپىۇلتتىق شارالاردى ءىس جۇزىنە اسىرۋ بارىسىندا مەملەكەتتىك اۋديتكە كوشۋ ماسەلەلەرىن تالقىلايتىن بولادى. وتاندىق ءاۋديتتىڭ باسەكەلەستىككە قابىلەتتىلىگىن ارتتىرۋ ماقساتىندا قازاقستان رەسپۋبليكاسىنىڭ «اۋديت قىزمەتى تۋرالى» زاڭىنا سايكەس ەلىمىزدىڭ اۋديت جۇيەسى حالىقارالىق اۋديت ستاندارتىنا تولىعىمەن جانە تۇبەگەيلى كوشەدى. قازىرگى تاڭدا ەكونوميكا جانە بيۋدجەتتىك جوسپارلاۋ مينيسترلىگى قارجى مينيسترلىگىمەن جانە ەسەپ كوميتەتىمەن بىرلەسە وتىرىپ, مەملەكەتتىك ءاۋديتتى ەنگىزۋ جونىندەگى تۇجىرىمداما جوباسىن جاساۋدا. بۇل سەسسيا جۇمىسىنا وسى ماسەلەگە قىزىعۋشىلىق تانىتقانداردىڭ بارلىعى قاتىسا الادى.
نياز جىلقىباەۆ.
استانا.