ا. وسپانوۆتىڭ ايتۋىنشا, قازاقستان رەسپۋبليكاسىنىڭ تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى مۇددەلى مەملەكەتتىك ورگاندارمەن بىرلەسىپ, بيزنەس-پروتسەستەردى اۆتوماتتاندىرۋ, جاڭعىرتۋ جانە ۆەدومستۆوارالىق ءوزارا ءىس-قيمىلدىڭ تيىمدىلىگىن ارتتىرۋ ەسەبىنەن مەملەكەتتىك كورسەتىلەتىن قىزمەتتەردىڭ قولجەتىمدىلىگىن ارتتىرۋ بويىنشا تۇراقتى نەگىزدە جۇمىستار جۇرگىزۋدە.
بيىلعى ءساۋىر ايىندا مەملەكەتتىك كورسەتىلەتىن قىزمەتتەر تىزىلىمىنە 120-دان استام تۇزەتۋلەر ەنگىزىلدى. قازىرگى ۋاقىتتا جاڭارتىلعان تىزىلىمدەگى مەملەكەتتىك قىزمەتتەردىڭ سانى -740.
مەملەكەتتىك قىزمەتتەر تۇرعىندارعا كەلەسى فورماتتا كورسەتىلەدى: ەلەكتروندىق فورماتتا - 532 قىزمەت (71,9%), قاعاز فورماتتا - 208 (28%), «ازاماتتارعا ارنالعان ۇكىمەت» مەملەكەتتىك كورپوراتسياسى ارقىلى 635 قىزمەت (85,58%).«ەگەر مەملەكەتتىك قىزمەتتەردى ۇسىنۋدىڭ مۇمكىن ارنالارى تۋرالى ايتاتىن بولساق, بۇگىندە ەلەكتروندى فورماتتا قىزمەتتەر كورسەتۋ بويىنشا اۋقىمدى جۇمىستار جۇرگىزۋ قاجەت. ءبىز بۇگىندە مەملەكەتتىك قىزمەتتەردى كورسەتۋدىڭ بارلىق مۇمكىن ارنالارىن قامتاماسىز ەتەمىز: «egov.kz» ەلەكتروندىق ۇكىمەت پورتالى, سونداي-اق Telegram-بوت, ءموبيلدى قوسىمشا, مەملەكەتتىك كورپوراتسيا, مەملەكەتتىك قىزمەتتەردى كورسەتۋ كونسۋلتاتسيالارى ماسەلەلەرى بويىنشا بىرىڭعاي بايلانىس ورتالىعى جانە ت.ب. سياقتى مەملەكەتتىڭ حالىقپەن كوممۋنيكاتسيا ارنالارى», — دەدى ۆيتسە-مينيستر.
«Egov.kz» ەلەكتروندى ۇكىمەت پورتالى ارقىلى تەك ءبىرىنشى جارتىجىلدىقتا 23,5 ملن قىزمەت كورسەتىلدى (2018 جىلدىڭ العاشقى جارتىجىلدىعىندا – 12,8 ملن قىزمەت), ءوسىم 182% قۇرادى.
2019 ج. 1 شىلدەدەگى جاعداي بويىنشا «ازاماتتارعا ارنالعان ۇكىمەت» مەملەكەتتىك كورپوراتسياسى ارقىلى 15 ملن-نان استام مەملەكەتتىك قىزمەت كورسەتىلدى. بۇگىنگى كۇنى قازاقستاندا 329 حقكو بار, ونىڭ ىشىندە 23 ارنايى حقكو (ونىڭ ىشىندە 16-سى اۆتودرومدارمەن جاراقتالعان), 17 تسيفرلىق قىزمەت كورسەتۋ ورتالىعى بار. شالعاي ەلدى مەكەندەردەگى تۇرعىندارعا مەملەكەتتىك كورسەتىلەتىن قىزمەتتەردىڭ قولجەتىمدىلىگىن قامتاماسىز ەتۋ بويىنشا مىندەتتەردى ورىنداۋ ماقساتىندا قازىر 70 ءموبيلدى توپ جۇمىس ىستەيدى.
جىل باسىنان بەرى 74 قىزمەت بويىنشا بيزنەس-پروتسەستەر وڭتايلاندىرىلىپ, ناتيجەسىندە كەلەسى كورسەتكىشتەرگە قول جەتكىزىلدى:
قىزمەت كورسەتۋ مەرزىمىن ورتا ەسەپپەن 10 كۇنگە دەيىن قىسقارتۋ, بۇرىن قىزمەت كورسەتۋدىڭ ورتاشا مەرزىمى 19 كۇندى قۇرادى, ياعني مەملەكەتتىك قىزمەت كورسەتۋ مەرزىمى 2 ەسەگە قىسقاردى; ينتەگراتسيا ەسەبىنەن تالاپ ەتىلەتىن قۇجاتتاردىڭ سانى ورتا ەسەپپەن 3-4 قۇجاتقا قىسقاردى, بۇرىن 5-6 قۇجات تالاپ ەتىلەتىن; 37 قىزمەت بويىنشا كەڭسە ارقىلى بالامالى قىزمەت كورسەتۋ الىنىپ تاستالدى; جاڭا 17 قىزمەت قوسىمشا ەلەكتروندىق فورماتقا كوشىرىلدى.«سونىمەن قاتار مەملەكەتتىك قىزمەتتەردى وڭتايلاندىرۋ جانە ساپاسىن ارتتىرۋ ماقساتىندا ءبىز بۇگىندە مەملەكەتتىك قىزمەتتەردى بىرىكتىرۋ بويىنشا بەلسەندى جۇمىستار جۇرگىزىپ جاتىرمىز. ولار كومپوزيتتىك مەملەكەتتىك كورسەتىلەتىن قىزمەتتەر دەپ اتالادى. بۇگىندە ءبىز كومپوزيتتىك قىزمەتتەردىڭ تولىق ءتىزىلىمىن انىقتادىق جانە قازىر بۇكىل تىزىلىمنەن 25 مەملەكەتتىك قىزمەتتى ۇسىنۋدى قاراستىراتىن 11 كومپوزيتتىك قىزمەت ىسكە قوسىلدى», — دەدى ا. وسپانوۆ.
كونسۋلتاتسيالىق قىزمەتتەردىڭ تاعى ءبىر ارناسى – 1414 بايلانىس ورتالىعى. ءى جارتىجىلدىق قورىتىندىسى بويىنشا بىرىڭعاي بايلانىس ورتالىعىنا جۇگىنۋلەر سانى 3,5 ملن-عا جۋىقتادى.
ۆيتسە-مينيستر حابارلاعانداي, «تسيفرلىق قازاقستان» باعدارلاماسى اياسىندا ينتەللەكتۋالدى كونسۋلتانت ەنگىزىلەدى, چات-بوت ارقىلى 200 مىڭعا جۋىق قىزمەت ءۇشىن جاۋاپ بەرىلدى.