قازىرگى ۋاقىتتا mGov موبيلدىك قوسىمشاسىندا 21 جاڭا قىزمەت پەن سەرۆيس قوسىلىپ, كورسەتىلەتىن قىزمەتتەردىڭ جالپى سانى 77-گە جەتتى.
«بۇل قوسىمشا مەملەكەتتىك قىزمەتتەردى الۋدىڭ نەگىزگى قۇرالىنا اينالۋى ءتيىس. mGov جاڭارتىلعان ءموبيلدى قوسىمشاسىندا حقكو-تارىنىڭ اسا تانىمال قىزمەتتەرى ىسكە اسىرىلادى. سونىمەن قاتار مەملەكەتتىك قىزمەتتەردى الۋ ءۇشىن اۆتوريزاتسيا جانە سۇراۋعا جازىلۋ ءۇشىن Face ID پايدالانۋ مۇمكىندىگى قاراستىرىلاتىن بولادى», — دەدى ۆيتسە-مينيستر.
2018 جىلعى جەلتوقساننان باستاپ نۇر-سۇلتان جانە الماتى قالالارىندا (4 فرونت-وفيستە ىسكە قوسىلدى) پيلوتتىق جوبا ىسكە قوسىلدى, وندا ازاماتتاردىڭ بيومەتريالىق دەرەكتەرى (بەت سىزىقتارى مەن ساۋساق ءىزى بويىنشا تانۋ) ارقىلى مەملەكەتتىك قىزمەتتەردى الۋعا بولادى, مۇندا 15 مىڭنان اسا قىزمەت الۋشىلار تىركەلگەن, 3 400-دەن اسا مەملەكەتتىك قىزمەت كورسەتىلگەن.
قىزمەتتەر مەن سەرۆيستەر ءتىزىمىن كەڭەيتۋ, سونىڭ ىشىندە Mobile ID ارقىلى قول قويۋ بويىنشا جۇمىستار جۇرگىزىلۋدە.
سونداي-اق ا. وسپانوۆ بۇگىنگى كۇنى Telegram-بوت ارقىلى ەڭ تانىمال قىزمەتتەر مەن سەرۆيستەردىڭ 25 ءتۇرى قولجەتىمدى ەكەنىن حابارلادى. بۇل مەكەنجاي انىقتاماسى, جىلجىمايتىن م ۇلىكتىڭ جوق (بار) ەكەندىگى تۋرالى انىقتاما, پسيحو-, ناركو-, تۋبەركۋلەزگە قارسى ديسپانسەرلەردەن انىقتاما, كەزەكتى ونلاين-برونداۋ, دارىگەردىڭ قابىلداۋىنا جازىلۋ جانە ت. ب.
Telegram-بوت - بۇل ساناۋلى مينۋتتاردا قىزمەت كورسەتەتىن جانە ناتيجەسىن الۋشىنىڭ چاتىنا جانە ونىڭ ەلەكتروندىق پوشتاسىنا جىبەرەتىن روبوت.400 مىڭعا جۋىق پايدالانۋشى قازىردىڭ وزىندە @EgovKzBot ارقىلى 600 مىڭنان استام مەملەكەتتىك قىزمەتتى الدى. @EgovKzBot جانە ءبىر رەتتىك پارول ارقىلى قىزمەتتەر مەن سەرۆيستەردىڭ سانىن كوبەيتۋ بويىنشا جۇمىس جالعاسۋدا. قازىر ءوتىنىمدى ءبىر رەتتىك پارول ارقىلى راستاۋ 51 مەملەكەتتىك قىزمەت بويىنشا قولجەتىمدى.