قازىر ارىس قالاسىندا 1544 جەكەمەنشىك تۇرعىن ۇيدە قۇرىلىس جۇمىستارى اياقتالعان, 7089 جەكە تۇرعىن ۇيدە جانە 96 كوپقاباتتى ۇيدە قالپىنا كەلتىرۋ جانە جوندەۋ جۇمىستارى جۇرگىزىلىپ جاتىر. تۇرعىنداردىڭ 4683 ۇيلەرىندە جۇمىستار جۇرگىزىلۋدە.
قۇرىلىس جۇمىستارى 126 جەكەمەنشىك ۇيدە جانە 1 كوپقاباتتى ۇيدە جۇرگىزىلۋدە. 66 الەۋمەتتىك نىساننان 62-سىندە قالپىنا كەلتىرۋ جۇمىستارى جۇرگىزىلۋدە, جاڭا قۇرىلىس 4 نىساندا ءجۇرىپ جاتىر.
ارىس قالاسىنداعى قالپىنا كەلتىرۋ جۇمىستارىنا 207 كومپانيا, 7073 جۇمىسكەر, 265 ارنايى تەحنيكا تارتىلعان.
ۇكىمەت باسشىسى ارىس قالاسىنىڭ تۇرعىندارىمەن كەزدەسۋ كەزىندە قالانى قالپىنا كەلتىرۋ بويىنشا جۇمىستارعا بارلىق وڭىرلەر, ۇلتتىق كومپانيالار, ەلىمىزدىڭ ءىرى بيزنەس وكىلدەرى بەلسەنە قاتىسىپ جاتقانىن اتاپ ءوتتى.
پرەمەر-مينيستر زارداپ شەككەن بيزنەس نىساندارىن, كولىك جانە ينجەنەرلىك ينفراقۇرىلىمدى قالپىنا كەلتىرۋ جۇمىستارىنىڭ قارقىنىن تومەندەتپەۋدى, سونداي-اق دەنساۋلىق ساقتاۋ جانە ءبىلىم بەرۋ نىساندارىن دايىنداۋ بويىنشا كەشەندى شارالار قابىلداۋ تاپسىردى.
تۇركىستان قالاسىنا جۇمىس ساپارى بارىسىندا اسقار مامين سالىنىپ جاتقان تاريحي-مادەني ورتالىق اۋماعىندا پرەمەر-مينيستر « ۇلى دالا ەلى» ورتالىعىن, ق. ا. ياسساۋي مۋزەيىن سالۋ بويىنشا جۇمىستاردىڭ بارىسىمەن. سونىمەن قاتار اسقار مامين ۇلى جىبەك جولىنىڭ قولونەرشىلەرىنىڭ ۇلتتىق ورتالىعى عيماراتىن, كەلۋ ورتالىعىن رەكونسترۋكتسيالاۋ, شىعىس مونشاسىنىڭ, وبلىستىق عىلىمي-امبەباپ كىتاپحانانىڭ سالىنۋ بارىسىن كوردى.
پرەمەر-مينيستر اكىمشىلىك, الەۋمەتتىك, مادەني-تاريحي ماقساتتا سالىنىپ جاتقان نىسانداردى كوردى, جەرگىلىكتى ستاديون, وقۋشىلار سارايى, اكىمدىك, حالىققا قىزمەت كورسەتۋ ورتالىعى, مەديا ورتالىق, كونگرەسس-حولل عيماراتى, «نۇر-سۇلتان» الاڭى, وليمپيادالىق رەزەرۆتەگى سپورت مەكتەبى, مۋزىكا مەكتەبى, باسسەينى بار وقۋشىلار سارايى, اتتراكتسيوندارى بار قالالىق ساياباق, نەكە سارايى, قازاق دراما تەاترى عيماراتى, مۋزىكالىق فونتان مەن امفيتەاتر سالىنىپ جاتقان قۇرىلىس الاڭدارىندا بولدى.
اسقار مامين تۇركىستان قالاسىندا تۇڭعىش پرەزيدەنتى پاركىنىڭ اباتتاندىرىلۋ, وبلىس ورتالىعىنىڭ ورتالىق بولىگىنىڭ رەكونسترۋكتسيالانۋ جانە ارباتتىڭ سالىنۋ بارىسىن كوردى, سونداي-اق تۇركىستانداعى ەسكى ارحەولوگيالىق پاركىنىڭ جوباسىمەن تانىستى.