مەملەكەت باسشىسىنىڭ اتىنا حالىقارالىق وليمپيادا كوميتەتىنىڭ پرەزيدەنتى توماس باحتىڭ قۇتتىقتاۋ حاتى كەلىپ ءتۇستى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي حابارلادى.
اسا ءىرى سپورت ۇيىمىنىڭ باسشىسى قاسىم-جومارت توقاەۆتىڭ پرەزيدەنت لاۋازىمىنا تاعايىندالۋىنا وراي جىلى لەبىز ءبىلدىرىپ, الداعى قىزمەتىنە تابىس تىلەدى.
توماس باح قازاقستاننىڭ وليمپيادالىق قوزعالىستاعى بەلسەندىلىگىنە جوعارى باعا بەرىپ, پرەزيدەنت قاسىم-جومارت توقاەۆتىڭ سپورتقا دەگەن ىقىلاسىن اتاپ ءوتتى.
حاتتا حوك-ءتىڭ قازاقستان ۇكىمەتىمەن جانە ۇلتتىق وليمپيادالىق كوميتەتىمەن تىعىز ءارى جەمىستى ىنتىماقتاستىقتى ودان ءارى جالعاستىرۋعا نيەتتى ەكەنى ايتىلعان.