بۇگىن بەينەۋ اۋدانى, تاجەن اۋىلىندا «بەينەۋ-اقجىگىت-وزبەكستان رەسپۋبليكاسى» باعىتىنداعى رەسپۋبليكالىق ماڭىزى بار اۆتوكولىك جولىنىڭ اشىلۋ ءراسىمى ءوتتى. سالتاناتتى شاراعا قازاقستان رەسپۋبليكاسىنىڭ پرەمەر-ءمينيسترى مامين اسقار ۇزاقباي ۇلى جانە وزبەكستان رەسپۋبليكاسىنىڭ پرەمەر-ءمينيسترى اريپوۆ ابدۋللا نيگمات ۇلى قاتىستى.
بۇل جاڭا جولمەن قازاقستاندىقتار وزبەكستان رەسپۋبليكاسى ارقىلى وزگە ەلدەرگە شىعا الاتىن بولادى. ورتالىق ازيا ەلدەرىنەن اقتاۋ جانە قۇرىق تەڭىز پورتتارى ارقىلى كاۆكاز ەلدەرى مەن ەۋروپا باعىتى بويىنشا ترانزيتتىك اۆتوموبيل اعىنى قالىپتاسادى.
جولدىڭ جالپى ۇزىندىعى 85 شاقىرىمدى قۇرايدى. قۇرىلىس جۇمىستارى 2017 جىلى باستالعان بولاتىن. نىسانعا بارلىعى 381 ادام, 155 بىرلىك تەحنيكا جۇمىلدىرىلعان.
مەملەكەتارالىق ماڭىزى بار وسىناۋ ەلەۋلى جوبا قازاقستان جانە وزبەكستان ەلدەرىنىڭ ەكونوميكالىق دامۋىنا ۇلكەن سەرپىلىس, ەكىجاقتى ىنتىماقتاستىقتىڭ دامۋىنا قوسىمشا سەرپىن بەرمەك.
ماڭعىستاۋ وبلىسى