سايىسقا قر مەملەكەتتىك قىزمەت ىستەرى اگەنتتىگىنىڭ ماڭعىستاۋ وبلىسى بويىنشا دەپارتامەنتىنىڭ, مەملەكەتتىك كىرىستەر دەپارتامەنتىنىڭ, ەڭبەك ينسپەكتسياسىنىڭ, اقتاۋ قالاسى, مۇنايلى, قاراقيا, تۇپقاراعان اۋداندارىنىڭ اكىمدىكتەرىنىڭ, قازىناشىلىق دەپارتامەنتى, وبلىستىق يندۋستريالىق-يننوۆاتسيالىق دامۋ باسقارماسىنىڭ كوماندالارى قاتىسقان بولاتىن.
سايىس ناتيجەسىندە جالپىتوپتىق ەسەپتە ءبىرىنشى ورىندى قاراقيا اۋدانىنىڭ اكىمدىگى السا, ەكىنشى ورىندى ماڭعىستاۋ وبلىسى بويىنشا مەملەكەتتىك كىرىستەر دەپارتامەنتى يەلەندى, ال قر مەملەكەتتىك قىزمەت ىستەرى اگەنتتىگىنىڭ ماڭعىستاۋ وبلىسى بويىنشا دەپارتامەنتى قولا جۇلدەنى قانجىعاسىنا بايلادى.
سونداي-اق, «كاسپي» سپورت كەشەنىندە اكىمشىلىك مەملەكەتتىك قىزمەتشىلەر اراسىنداعى سپارتاكيادا شەڭبەرىندە شاعىن فۋتبولدان فينالدىق ويىندار ءوز مارەسىنە جەتتى.
جارىس ناتيجەسى بويىنشا توپ جارىپ ءبىرىنشى جۇلدەلى ورىنعا يە بولعان وبلىستىق سوت كومانداسى, كۇمىس جۇلدەنى مەملەكەتتىك كىرىستەر دەپارتامەنتى قانجىعاسىنا بايلاسا, ال بەينەۋ اۋدانىنىڭ اكىمدىگى ءۇشىنشى جۇلدەلى ورىندى مىسە تۇتتى.
بارلىق جەڭىمپازدار مەدالدار, ديپلومدار جانە كۋبوكتارمەن ماراپاتتالدى.
ماڭعىستاۋ وبلىسى