اقتاۋ بيتۋم زاۋىتى 2013 جىلعى جەلتوقسان ايىندا پايدالانۋعا بەرىلدى جانە تەحنيكالىق سيپاتتامالارى بويىنشا ساپاسى جوعارى جول بيتۋمىن شىعارۋ ءۇشىن ەڭ وڭتايلى شيكىزات بولىپ تابىلاتىن «قاراجانباس» كەن ورنىنىڭ مۇنايىن جىلىنا 1 ملن تونناعا دەيىن وڭدەي الادى.
زاۋىت جۇمىسىنىڭ ناتيجەسىندە جانە باسقا وتاندىق وندىرۋشىلەردىڭ ءونىمىن قوسا العاندا, بۇگىندە ەلدىڭ جول بيتۋمىنا دەگەن قاجەتتىلىگى تولىق قامتىلىپ وتىر. سالىستىراتىن بولساق, 2013 جىلى قازاقستانعا اكەلىنەتىن بيتۋم يمپورتى 200 مىڭ توننادان استامدى قۇرادى. 2018 جىلى زاۋىت ءونىمى ەلدىڭ ىشكى نارىعى قاجەتتىلىگىنىڭ 37%-ىن قامتاماسىز ەتتى.
قازىرگى ۋاقىتتا اقتاۋ بيتۋم زاۋىتىندا جوعارى ساپالى, ونىڭ ىشىندە بۇعان دەيىن قازاقستاندا شىعارىلماعان پوليمەرلى-تۇرلەندىرىلگەن بيتۋم وندىرىلەدى. پوليمەرلى-تۇرلەندىرىلگەن بيتۋم جىلۋعا, ايازعا جانە توزۋعا توزىمدىلىگى بويىنشا جاقسارتىلعان سيپاتتامالارى ەسەبىنەن اسفالت-بەتوندىق جابىندىلار قىزمەتىنىڭ مەرزىمىن 1,5-2 ەسەگە ۇزارتادى.
«قازمۇنايگاز» ۇك اق مۇناي وڭدەۋ جونىندەگى باسقارۋشى ديرەكتورى مۇراتجان مۇسايبەكوۆ زاۋىت ىسكە قوسىلعان ۋاقىتتان باستاپ 3,52 ملن. توننا مۇناي ءوندىرىلىپ, 1 ملن. توننادان استام جول بيتۋمى نەمەسە 3 500 شاقىرىمعا جۋىق جول شىعارىلعانىن اتاپ ءوتتى. اقتاۋ بيتۋمى قازاقستان رەسپۋبليكاسىنىڭ بارلىق دەرلىك ستراتەگيالىق اۆتوجولدارىن, ونىڭ ىشىندە «باتىس ەۋروپا – باتىس قىتاي» تاس جولىنىڭ قۇرىلىسى كەزىندە پايدالانىلدى. اقتاۋ زاۋىتىنىڭ بيتۋمى بارلىق كورسەتكىشتەرى بويىنشا مەملەكەتتىك جانە حالىقارالىق ستاندارتتاردىڭ تالاپتارىنا سايكەس كەلەدى.
ماڭعىستاۋ وبلىسى