بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي ءوزىنىڭ فەيسبۋك پاراقشاسىندا جازدى.
«قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ اباي شىعارمالارىن وقۋ ەستافەتاسىن كىشكەنتاي لايلىمنەن قابىلداپ, ءوزى دە جالعاستىرعانىن بىلەسىزدەر. بۇل باستاما قازىر جالپىحالىقتىق سيپات الدى. تاعىلىمدى ەستافەتانى ايگىلى ونەر تارلانى دوسحان جولجاقسىنوۆتان قابىلداپ العان پرەزيدەنت اكىمشىلىگىنىڭ باسشىسى قىرىمبەك كوشەرباەۆ ۇلى اقىننىڭ ماسىلدىق تۋرالى وي-پىكىرلەرىنەن ءۇزىندى وقىپ, قازاق عىلىمىنىڭ مايتالماندارى, اكادەميكتەر تورەگەلدى شارمانوۆ پەن اسقار جۇمادىلداەۆقا جانە مانەرلەپ سىرعاناۋدان الەم چەمپيوناتىنىڭ كۇمىس جۇلدەگەرى ەليزابەت تۇرسىنباەۆاعا جولدادى», دەپ جازدى بەرىك ءۋالي.