جارىسقا قاتىسۋشى 8 كوماندانىڭ اراسىندا توپ جارىپ ءبىرىنشى جۇلدەلى ورىنعا ماڭعىستاۋ وبلىستىق سوتى يە بولسا, قر مەملەكەتتىك قىزمەت ىستەرى اگەنتتىگىنىڭ ماڭعىستاۋ وبلىسى بويىنشا دەپارتامەنتى مەن باسقا دا مەملەكەتتىك ورگاندارمەن بىرلەسكەن «قىزمەت» كومانداسى ەكىنشى ورىن الدى, ال ءۇشىنشى جۇلدەلى ورىن ماڭعىستاۋ وبلىسىنىڭ قازىناشىلىق دەپارتامەنتىنىڭ ەنشىسىنە ءتيدى. جۇلدەگەرلەرگە مەدالدار جانە كۋبوكتار تابىس ەتىلدى.
بۇدان باسقا «ۇزدىك ويىنشى» نوميناتسياسىندا قازىناشىلىق دەپارتامەنتى كومانداسىنىڭ وكىلى نازىم سەيلحانوۆا, «قىزمەت» كومانداسىنىڭ ويىنشىسى دينارا جۇماديلوۆا جانە وبلىستىق سوت كومانداسىنىڭ وكىلى فاريزا قازبەكقىزى ۇزدىك اتانىپ, ماداقتاما حاتتارىمەن ماراپاتتالدى.
ۇيىمداستىرۋشىلاردىڭ ايتۋىنشا, تەك سالاۋاتتى ءومىر-سالتى عانا ەمەس, جالپى قوعامدا مەملەكەتتىك قىزمەتتىڭ وڭ ءيميدجىن قالىپتاستىرۋعا باعىتتالعان وسىنداي سپورتتىق بۇقارالىق شارالار ودان ءارى جالعاسىن تاباتىن بولادى.