وعان جىل سايىن ءوزىنىڭ ساپالى ونىمىمەن جاڭا كاسىپورىندار لەگى قوسىلىپ وتىرادى. بيىلعى بايقاۋ-كورمەنىڭ دە جاڭالىقتارى از بولعان جوق. بىلتىر جىل اياعىندا رۋدنىيدا تسەمەنت زاۋىتى, ارقالىق قالاسىندا «ارقالىق ەت» ەت كومبيناتى اشىلعان ەدى. وسى كاسىپورىندار جارتى جىل وتپەي-اق ونىمدەرىنىڭ ساپاسىن ءبايگەگە قوستى.
قازىر رۋدنىي تسەمەنت زاۋىتى قۇرىلىستىڭ قانداي تۇرىنە بولسا قولدانىلۋعا جارايتىن, تسەمەنتتىڭ كەڭ تارالعان پتس 400-د0 جانە پتس 500-د0 ماركالارىن وندىرەدى.
– بۇل ەكى ماركانىڭ دا ساپاسى سەرتيفيكاتتالعان. ەندى تسەمەنتتىڭ پتس 400-د20 ماركالى ءتۇرى سەرتيفيكاتتالىپ جاتىر. ەلىمىزدەگى قۇرىلىستىڭ قارقىنى وتە جوعارى. سوندىقتان ءبىزدىڭ ءونىم ىلعي دا قاجەت. قازىر ايىنا 30 مىڭ توننا تسەمەنت وندىرەمىز, بۇل ءوندىرىستىڭ تولىق قۋاتىنىڭ 65 پايىزى بولىپ تابىلادى. اي سايىن زاۋىت قۋاتىن ءوسىرىپ كەلەمىز, – دەيدى رۋدنىي تسەمەنت زاۋىتى باس ينجەنەرىنىڭ ورىنباسارى نيكيتا ۆولوچاي.زاۋىت ءونىمىن قازىر نۇر-سۇلتان, اقتوبە وبلىستارىنا جىبەرەدى, قوستاناي وبلىسىن تولىق قامتاماسىز ەتەدى. قازىردىڭ وزىندە زاۋىت كەنشىلەر قالاسىنىڭ 200 تۇرعىنىن جۇمىسپەن قامتاماسىز ەتىپ وتىر.
«قازاقستاننىڭ ۇزدىك تاۋارلارى» وبلىستىق بايقاۋ-كورمەسىنە قاتىسقان ءار كاسىپورىننىڭ تۇسىنا بارعاندا, كاسىپكەر وسىلاي تارتىمدى اڭگىمە تيەگىن اعىتادى. بۇل جولى وبلىستاعى قىرىق شاقتى كاسىپورىن ساپا بايگەسىنە باعىن سىناعالى كەلىپتى. بىراق وبلىس اكىمى ارحيمەد مۇحامبەتوۆتىڭ ايتۋىنشا, بايقاۋ-كورمەنىڭ ماقساتى تەك ساپانى تارازىعا سالۋ عانا ەمەس, ودان دا كەڭ.
– بەس جىل ىشىندە وبلىستاعى 36 كاسىپورىن ساپالى ونىمدەرىمەن بايقاۋ-كورمەنىڭ رەسپۋبليكالىق فينالىنان كورىندى. ولاردىڭ قاتارىندا دابىلى ەلىمىزگە, سىرت جەرلەرگە بەلگىلى «بايان سۇلۋ» كونديتەر فابريكاسى, «ميلح» ءسۇت زاۋىتى, قوستاناي ۇن كومبيناتى, «اگروماشحولدينگ» ماشينا قۇراستىرۋ زاۋىتى جانە تاعى باسقا ءىرى كاسىپورىندار بار. مۇنداي بايقاۋ-كورمەلەر وتە قاجەت, مۇندا بيزنەس وكىلدەرى ءبىر-بىرىنەن ۇيرەنەدى, تاجىريبە الماسادى. بيزنەس ءۇشىن ەڭ باستىسى وندىرىلگەن ءونىمنىڭ ءوتۋى, سۇرانىسقا يە بولۋى. نارىقتى زەرتتەۋ ءۇشىن دە بايقاۋلاردىڭ ماڭىزى زور, – دەدى ارحيمەد مۇحانبەتوۆ.
بايقاۋ-كورمەدە ساپالى ەت ونىمدەرى مەن بال, قىمىز, شۇباتقا تۇرعان كەزەكتى كورسەڭىز... وبلىستىڭ ىشكى جالپى ونىمىندەگى شاعىن جانە ورتا بيزنەستىڭ ۇلەسى كوبەيىپ, بيىل جىل باسىنان بەرى ول 28 پايىزدى قۇرادى. وسى كولەمنىڭ ىشىندە ازىق-ت ۇلىك وندىرەتىن كاسىپورىندار ۇلەسى دە ۇلعايا باستادى. مىسالى, جۇمىسىن بىلتىر جىل اياعىندا باستاعان «ارقالىق ەت» ەت كومبيناتى تەك ساپالى ەت پەن ەت ونىمدەرىن ءوندىرىپ قانا قويماي, وبلىستىڭ وڭتۇستىك اۋداندارىنداعى مال شارۋاشىلىعىنىڭ دامۋىنا دا ىقپال ەتە باستادى. ول «قازاقستاننىڭ ۇزدىك تاۋارلارى» وبلىستىق بايقاۋ-كورمەسىندە «ۇزدىك ازىق-ت ۇلىك تاۋارلارى» اتالىمى بويىنشا جەڭىمپاز اتاندى. «وندىرىستىك ماقساتتاعى ءۇزدىك تاۋارلار», «حالىق تۇتىناتىن ۇزدىك تاۋارلار» اتالىمى بويىنشا دا جەڭىمپازدار انىقتالدى. ولاردىڭ اراسىندا رۋدنىي تسەمەنت زاۋىتى, ۇلتتىق كيىمدەر تىگەتىن «دومباەۆا ە.س» جەكە كاسىپكەرلىگى, مالدىڭ ساپالى جەمىن شىعاراتىن «گەرمەس-4» كاسىپورىندارى, تاعى باسقالارى بار.
وبلىستىق بايقاۋ-كورمەدە ساپا كورسەتكىشىمەن وزا شاپقاندار الداعى قازان ايىندا بايقاۋ-كورمەنىڭ رەسپۋبليكالىق قورىتىندى كەزەڭىندە باق سىنايدى.