ارىس قالاسىنداعى جوندەۋ-ەكسپلۋاتاتسيا دەپوسىنان شىققان ءورت ءسوندىرىلدى. بۇل تۋرالى توتەنشە جاعداي كوميتەتى حابارلادى.
«قىزىل جالىن جالپى اۋماعى 2040 شارشى مەتردى قامتىعان. ونى سوندىرۋگە تۇركىستان وبلىسى توتەنشە جاعداي كوميتەتىنىڭ جەكە قۇرامىنان 41 قىزمەتكەر مەن 10 تەحنيكا تارتىلدى. ستانسانىڭ 8 قىزمەتكەرى دە جالىندى اۋىزدىقتاۋعا اتسالىستى. ءورت ساعات 16.45-تە ءسوندىرىلدى», دەلىنگەن ءباسپاسوز حابارلاماسىندا.
ايتا كەتەيىك, ارىس قالاسىنداعى تەمىرجول دەپوسىنىڭ تچە 32 تسەحىندا ءورت شىققان بولاتىن.