باتىس قازاقستان وبلىسىندا الاشتان ءان وزدىرعان ءانشى عاريفوللا قۇرمانعاليەۆتىڭ 110 جىلدىعىنا ارنالعان رەسپۋبليكالىق بايقاۋ اياقتالدى.
قازاقستاننىڭ حالىق ءارتىسى, مەملەكەتتىك سىيلىقتىڭ لاۋرەاتى عاريفوللا قۇرمانعاليەۆتىڭ مەرەيتويى اق جايىق وڭىرىندە ەكى كۇندىك شارالارمەن اتالىپ ءوتتى. بيىل ءتورتىنشى مارتە ۇيىمداستىرىلعان «جەزتاڭداي, كۇمىس كومەي ءان ءدۇلدىلى» اتتى رەسپۋبليكالىق بايقاۋعا قازاقستاننىڭ ءار وڭىرىنەن كەلگەن 22 ونەرپاز جانە مەرەيتوي مەيماندارى اۋەلى ورال قالاسىنداعى عارەكەڭ ەسكەرتكىشىنە گۇل شوعىن قويىپ, تاعزىم ەتتى. ودان كەيىن قادىر مىرزا ءالي اتىنداعى مادەنيەت جانە ونەر ورتالىعىندا ء«داستۇرلى انشىلىكتىڭ دارابوزى» اتتى دوڭگەلەك ۇستەل ءماجىلىسى ءوتتى.
- ءداستۇرلى ونەر, اسىرەسە قازاقتىڭ ۇلتتىق ءان ونەرىن ۇيرەنۋ, وعان قىزىعۋ ءۇشىن ءتالىم بەرەر ۇستازدىڭ ورنى ەرەكشە عوي. 1965 جىلى الماتىدا اشىلعان ەسترادا-تسيرك ستۋدياسىندا بىزگە ەڭ ءبىرىنشى ساباق بەرگەن – عارەكەڭ ەدى. ول – مەن ءۇشىن وتە قىمبات ادام! – دەيدى قازاقستاننىڭ حالىق ءارتىسى, قوجا احمەت ياسساۋي اتىنداعى قازاق-تۇرىك ۋنيۆەرسيتەتىنىڭ وقىتۋشىسى قاجىبەك بەكبوسىن.
اقىن تولەگەن ايبەرگەنوۆ «كوكىرەگىنە اسەم ءاننىڭ كوك مۇحيتىن شايقاعان» دەپ باعا بەرگەن ساڭلاق ءانشى تۋرالى قازاقستان رەسپۋبليكاسىنىڭ ەڭبەك سىڭىرگەن ءارتيسى قاپاش ق ۇلىشەۆا, قازاقستان رەسپۋبليكاسىنىڭ مادەنيەت قايراتكەرى گۇلمايدان سۇندەتوۆا, قازاقستان رەسپۋبليكاسىنىڭ مادەنيەت قايراتكەرى, مۇرات وسكەنباەۆ اتىنداعى ماڭعىستاۋ وبلىستىق فيلارمونياسىنىڭ قىزمەتكەرى, ءانشى باۋىرجان ساتىبالدين, دينا نۇرپەيىسوۆا اتىنداعى اتىراۋ اكادەميالىق وركەسترىنىڭ كوركەمدىك جەتەكشىسى قايرات كاكىموۆ, سۇلتانماحمۇت تورىايعىروۆ اتىنداعى پاۆلودار مەملەكەتتىك ۋنيۆەرسيتەتىنىڭ پروفەسسورى قازاقستان رەسپۋبليكاسىنىڭ ەڭبەك سىڭىرگەن قايراتكەرى ەربول ايتباەۆ جانە باسقالارى ءوز ەستەلىكتەرىن ايتتى. ال ءانشىنىڭ نەمەرەسى, ونەر زەرتتەۋشىسى مەرۋەرت قۇرمانعاليەۆانىڭ پىكىرىنشە, عاريفوللا قۇرمانعاليەۆ قازاق حالقىنىڭ عانا ەمەس, تۇتاس تۇركى الەمىنىڭ مۋزىكاسىن دامىتۋعا زور ۇلەس قوسقان تۇلعا.
ءانشى مەرەيتويىنىڭ العاشقى كۇنى قادىر مىرزا ءالي اتىنداعى مادەنيەت جانە ونەر ورتالىعىنىڭ امفيتەاترىندا ء«ان ۇرپاققا امانات» اتتى فەستيۆالمەن اياقتالدى. مۇندا قازاقستاننىڭ ءار وڭىرىنەن كەلگەن عاريفوللا قۇرمانعاليەۆتىڭ شاكىرتتەرى مەن باسقا دا انشىلەر ءوز ونەرلەرىن كورسەتتى.
مەرەيتويلىق شارالاردىڭ ەكىنشى كۇنى ءانشىنىڭ تۋعان جەرى قاراتوبە وڭىرىندە جالعاستى. ءىV رەسپۋبليكالىق «جەزتاڭداي, كۇمىس كومەي ءان ءدۇلد ۇلى» اتتى ءداستۇرلى انشىلەر بايقاۋىنىڭ اشىلۋ سالتاناتىنا ءوڭىر باسشىسى عالي ەسقاليەۆ ارنايى باردى. نۇر-سۇلتان مەن الماتى, سەمەي قالالارىنان, قىزىلوردا, اتىراۋ, اقتوبە, ماڭعىستاۋ جانە باتىس قازاقستان وبلىستارىنان جينالعان 22 ونەرپاز ءانشى بايقاۋدا باق سىنادى. بايقاۋ شارتى بويىنشا انشىلەر مۇحيت پەن عاريفوللا تۋىندىلارىن جانە ءوز ايماعىنىڭ ءانىن ورىندادى. العاشقى سىننان 12 ءانشى سۇرىنبەي ءوتتى. ەكىنشى تۋردان كەيىن بايقاۋ جۇلدەگەرلەرى انىقتالدى. قازاقستان رەسپۋبليكاسىنىڭ حالىق ءارتىسى قاجىبەك بەكبوسىن باستاعان قازىلار القاسى بايقاۋدىڭ باس جۇلدەسىنە نۇر-سۇلتان قالاسىنان كەلگەن ايدانا قارجاۋباەۆانى لايىق دەپ شەشتى. اتىراۋلىق بەرىك امانتاەۆ ءبىرىنشى ورىنعا يە بولدى. ماڭعىستاۋ وبلىسىنىڭ نامىسىن قورعاعان نۇرىس اسقانوۆ پەن باتىس قازاقستان وبلىسىنىڭ اقجايىق اۋدانىنان كەلگەن دانيار ەلەۋوۆ ەكىنشى ورىندى ءبولىستى. اقتوبەلىك ادىلەت كۇزەمباەۆ, سىرىمدىق ارمات الدامجاروۆ, قاراتوبەلىك نۇرشات يسلامعاليەۆ ءۇشىنشى ورىنعا يە بولدى. بەيبىت قاجىعاليەۆ, تىلەك بازاروۆ, كەنەسارى ميزاموۆ, جۇلدىز سۇندەتقاليەۆا, ءازىمحان بايماعامبەتوۆ بايقاۋدىڭ ديپلوماتى اتاندى.
ەكى كۇندىك شارالاردىڭ قورىتىندىسىنا اينالعان گالا-كونتسەرتتە بايقاۋ جۇلدەگەرلەرىمەن بىرگە ءانشىنىڭ شاكىرتتەرى قاجىبەك بەكبوسىن, حايدار وتەعاليەۆ, قاپاش ق ۇلىشەۆالار ءان شىرقادى.
باتىس قازاقستان