«Nur Suńqar» كونكۋرسى 2010 جىلدان بەرى جىل سايىن وتكىزىلىپ كەلەدى. وسى ارالىقتا كونكۋرستى وتكىزۋ ۇلگىسى, ەرەجەسى, ونداعى اتالىمدار مەن جۇلدەلەر دە وزگەرتىلىپ, جەتىلدىرىلدى. بۇگىندە بۇل بايقاۋ مەديا سالاسىنىڭ قىزمەتكەرلەرىن ىنتالاندىرۋعا باعىتتالعان بەدەلدى ءىس-شارالاردىڭ قاتارىنا ەنىپ ۇلگەردى. كونكۋرستىڭ و باستاعى ماقساتى سول بۇرىنعىسىنشا: قازاقستاندىق جۋرناليستەردى, بلوگەرلەر مەن شىعارماشىلىق ۇجىمداردى قولداۋ, ولاردىڭ وتاندىق كاسىبي جۋرناليستيكانى دامىتۋعا, قوعامدى جەدەل ءارى وبەكتيۆتى اقپاراتپەن قامتاماسىز ەتۋگە قوسقان ۇلەسىن باعالاۋ بولىپ وزگەرىسىز قالا بەرەدى.
كونكۋرس وتكىزىلىپ كەلە جاتقان ۋاقىتتان بەرى «Nur Suńqar» سىيلىعىنا ەلگە تانىمال كوپتەگەن جۋرناليستەر يە بولدى.
بيىل كونكۋرستىڭ ۇيىمداستىرۋ كوميتەتىنە 207 قاتىسۋشىدان مىڭعا جۋىق جۇمىس كەلىپ ءتۇستى. 10 اتالىم بويىنشا جەڭىمپازداردىڭ ەسىمى بەلگىلى بولدى:
«حالىق داۋىسى» - ۇزدىك تەلەۆيزيالىق جۋرناليست: ايبەك قوبداباي («Qazaqstan» تەلەارناسى)
«توچكا زرەنيا» - ۇزدىك تەلەۆيزيالىق جۋرناليست: جۇراعات بامان («حابار» تەلەارناسى)
«ءسوز زەرگەرى» - ۇزدىك گازەت ءجۋرناليسى: عابيت مۇسىرەپ («Egemen Qazaqstan» گازەتى)
«ەلباسى سالعان سارا جول» - ەلباسى قىزمەتىن ۇزدىك جارىققا شىعارعانى ءۇشىن سىيلىقاقى: يگور پروحوروۆ («كازاحستانسكايا پراۆدا» گازەتى)
«مايتالمان» - وتاندىق جۋرناليستيكانى دامىتۋعا قوسقان ۇلەسى ءۇشىن سىياقى: نۇرتىلەۋ يمانعالي ۇلى («جەتىسۋ» تەلەارناسى)
«رۋحاني جاڭعىرۋ» - باعدارلامانى ىلگەرىلەتۋگە قوسقان ۇلەسى ءۇشىن سىياقى: بازاركۇل وتىنشيەۆا («استانا» تەلەارناسى) , ايگۇل كەمەلباەۆا («اباي» جۋرنالى)
«ماستەر سلوۆا» - ۇزدىك گازەت ءجۋرناليسى: تالعات ەسەنوۆ («ليتەر» گازەتى)
«جاس سەرپىلىس» - ۇزدىك جاس جۋرناليست: ساكەن ماحامەتكەريموۆ, نازىمگۇل كۇمىسپاەۆا («حابار» تەلەارناسى)
«مەديا-پروفي» - ينتەرنەت باسىلىمنىڭ ۇزدىك ءجۋرناليسى: اقمارال ولجاباەۆا (Bnews.kz)
«پارتيا جوبالارىن ۇزدىك جارىققا شىعارعانى ءۇشىن»: ەكاتەرينا برىنيۋك («استانا» تەلەارناسى), گۇلجان راحمانوۆا («ايقىن» گازەتى)