وقىتۋ كۋرسىن تامامداعان بيزنەس باپكەرلەر مەكتەپ وقۋشىلارىن ەكونوميكا, قوعام, ەڭبەك ءومىرى جانە كاسىپكەرلىك نەگىزدەرىنە باۋلىپ, ىسكەرلىك قابىلەتتىلىكتەرىن شىڭدايتىن بولادى.
ايتا كەتۋ كەرەك, بۇل جوبانى «جاستار قىزمەتكەرلەرىنىڭ قاۋىمداستىعى» «ازاماتتىق باستامالاردى قولداۋ ورتالىعىمەن» ارىپتەستىكتە اقپارات جانە قوعامدىق دامۋ مينيسترلىگىنىڭ قولداۋىمەن جۇزەگە اسىرىپ كەلەدى.
بۇگىندە اتالعان باعدارلامانىڭ التى جانە توعىزىنشى سىنىپ وقۋشىلارىن وقىتۋعا ارنالعان وقۋ-ادىستەمەلىك كەشەنى ازىرلەنىپ قويعان ەكەن.
مۇعالىمدەردى دايارلاۋدى Generation Unlimited (GenU) باعدارلاماسىنىڭ سەرتيفيكاتىن العان باپكەرلەردىڭ ۇلتتىق پۋلى ءارى بيزنەس-جاتتىقتىرۋشىلار جۇرگىزگەنىن اتاپ وتكەن ءجون.
«ترەنينگتەن كەيىن جاتتىقتىرۋشى-مۇعالىمدەر جەرگىلىكتى جەرلەردە جوباعا سايكەس ءبىلىم بەرۋ ءادىسى بويىنشا التىنشى جانە توعىزىنشى سىنىپتاردىڭ 6800 وقۋشىسىن وقىتاتىن بولادى. 6800 وقۋشى ءار وڭىردەن ەكى قاناتقاقتى مەكتەپتەن, ءتورت پاراللەل سىنىپتاعى 25 ادامنان قۇرالادى», – دەيدى ۇيىمداستىرۋ القاسىنىڭ وكىلى ايدار حاميت.
تاعى ءبىر ايتار جايت, وسى جوبا بويىنشا قاناتقاقتى نەگىزدە اتىراۋ وبلىسىندا بيزنەس قالاشىق تۇرعىزىلىپ جاتىر. بۇل قالاشىق فينلياندياداعى «مەن جانە مەنىڭ قالام» («Me and My City») ورتالىقتارى جەلىسىنىڭ نەگىزىندە سالىنۋدا جانە بالالار مەن ءجاسوسپىرىمدەردىڭ الەۋمەتتىك ءھام كاسىپكەرلىك داعدىلارىن دامىتۋعا, جاستاردىڭ الەۋمەتتىك ماسەلەلەرىن الدىن الۋعا باعىتتالعان.
جاقسىلىق مۇراتقالي,
«Egemen Qazaqstan»