جۇما, 18 قاڭتار 2013 7:19
شەمونايحا اۋدانىنىڭ ەڭبەككەرلەرى وتكەن جىلدى اۋا رايىنىڭ قولايسىز بولعانىنا قاراماستان ءبىرشاما تابىستارمەن قورىتىندىلادى. ەگىن شىعىمى جامان بولعان جوق, مال باسى ءوسىپ كەلەدى. اۋداندا الەۋمەتتىك باعىتتا دا كوپ ىستەر تىندىرىلدى. مۇنىڭ ءبارى ەلباسىنىڭ قازاقستان حالقىنا ارناعان جولداۋىنداعى مىندەتتەردى جۇزەگە اسىرۋدا اتقارىپ جاتقان جۇمىستار دەپ ايتۋعا نەگىز بار. ءبىز ۇجىمىمىزبەن بىرگە جولداۋدى زور ىنتا قويا تىڭدادىق.
جۇما, 18 قاڭتار 2013 7:19
شەمونايحا اۋدانىنىڭ ەڭبەككەرلەرى وتكەن جىلدى اۋا رايىنىڭ قولايسىز بولعانىنا قاراماستان ءبىرشاما تابىستارمەن قورىتىندىلادى. ەگىن شىعىمى جامان بولعان جوق, مال باسى ءوسىپ كەلەدى. اۋداندا الەۋمەتتىك باعىتتا دا كوپ ىستەر تىندىرىلدى. مۇنىڭ ءبارى ەلباسىنىڭ قازاقستان حالقىنا ارناعان جولداۋىنداعى مىندەتتەردى جۇزەگە اسىرۋدا اتقارىپ جاتقان جۇمىستار دەپ ايتۋعا نەگىز بار. ءبىز ۇجىمىمىزبەن بىرگە جولداۋدى زور ىنتا قويا تىڭدادىق. بۇگىندە الەم تانىعان, كۇللى تورتكۇل دۇنيە مويىنداعان قازاقستاننىڭ 21 جىل بۇرىنعى جاعدايى ءدال وسىنداي بولادى دەپ سەنۋدىڭ ءوزى شىنىندا قيىن ەدى. بىراق, بۇل ءبارىمىز كۋا بولعان اقيقات دۇنيە. سودان بەرى 21 جىلدا ۇلان-عايىر ۇلى تابىستارعا قول جەتكىزە الدىق. قازاقستان قازىر جاڭعىرۋ كەزەڭىن ارتقا تاستاپ, جاڭا كەزەڭگە اياق باستى. ءدال وسى بەلەس جاڭا زامانداعى جاڭا قازاقستاننىڭ ورنىن انىقتادى. ءبىزدىڭ ەڭ باستى ماقساتىمىز – 2050 جىلعا قاراي الەمنىڭ ەڭ دامىعان 30 ەلىنىڭ قاتارىنا كىرۋ. بىزدە ول ءۇشىن ءمۇمكىنشىلىك تە, رەسۋرس تا, ءبىلىمدى ادامدار دا, بەرەكەلى ۇلت تا بار», دەگەن مەملەكەت باسشىسىنىڭ ءسوزى كەز كەلگەن قازاقستاندىقتارعا جىگەر بەرەدى دەگەن ويدامىن.
قازاقستان حالقىنا جولداۋىندا ەكونوميكانىڭ العا باسىپ كەلە جاتقانىنا ناقتى دەرەكتەر كەلتىرىلگەن. سوڭعى 60 جىلدا الەمدىك جالپى ىشكى ءونىم 11 ەسە ءوسىپتى. ال قازاقستاندا تەك 15 جىلدا 16 ەسە ءوسىم بولعان. بۇل تابىستى اۋىل شارۋاشىلىعى ەڭبەككەرلەرىنىڭ دە لايىقتى ۇلەسى بار ەكەنىن ايتا كەتكەن ءجون.
ءبىزدىڭ قوجالىق 1996 جىلى قۇرىلدى. 2004 جىلى «ۆىدريحينسكوە» سەرىكتەستىگى دەگەن اتقا يە بولدىق. قازىر سەرىكتەستىكتە 420 ادام ەڭبەك ەتەدى. ولار جالاقىلارىن ۋاقىتىلى الادى, الەۋمەتتىك جاعدايلارىن دا شەشۋگە نازار اۋدارامىز. بىلتىر 12300 گەكتارعا ءداندى داقىلدار ەكتىك, گەكتارىنان 18 تسەنتنەردەن استىق وردىق. بۇل شەمونايحا اۋدانىنداعى ۇزدىك ناتيجە. اۋىلداعى سۋ قۇبىرىن, مادەنيەت ءۇيىن بالانسقا العانبىز, اۋىل ەڭبەككەرلەرى بوس ۋاقىتتارىن كوڭىلدى وتكىزەدى. بۇرىندارى بىزدە ەڭبەك ەتىپ, زەينەتكەرلىككە شىققان ارداگەرلەرگە وتىن, كومىرىن تەگىن جەتكىزىپ بەرەمىز, دەمالىستارىن كوڭىلدى ءوتكىزۋگە دە نازار اۋدارامىز. اۋىلداعى مەكتەپ وقۋشىلارىنا دا قايىرىمدىلىق شارالارىن ۇيىمداستىرىپ تۇرامىز.
جولداۋدا اركىمنىڭ ءوزىنىڭ ءتىلىن ۇيرەنىپ, ءوز ءدىنىن, ۇلتتىق سالت-ءداستۇرىن ۇستانۋعا ەركىندىك بەرىلگەنى ايتىلعان. قازىر اۋىلىمىزعا وڭتۇستىك اۋدانداردان جەرگىلىكتى ۇلت وكىلدەرى كوشىپ كەلىپ جاتىر. ولار باسقا ۇلت وكىلدەرىمەن تاتۋ, ىنتىماقشىل. ءار ۇلت وكىلدەرىنىڭ مەرەكەلەرى قىزىقتى دا ماڭىزدى وتەدى. ەلباسىنىڭ قازاقستان حالقىنا جولداۋى ءبارىمىزدى ۇيىمشىلدىق پەن بىرلىككە شاقىراتىن ماڭىزدى قۇجات ەكەنىن دە مويىنداۋىمىز كەرەك.
الەكساندر بەلكين,
«ۆىدريحينسكوە» جشس ديرەكتورى.
شىعىس قازاقستان وبلىسى,
شەمونايحا اۋدانى.