2019 جىلعى 6 شىلدەدەگى جاعداي بويىنشا تۇركىستان وبلىسى ارىس قالاسىندا 271 ۇيدە قالپىنا كەلتىرۋ جۇمىستارى جۇرگىزىلدى. قازىر 1,6 مىڭ جەكە تۇرعىن ءۇي قۇرىلىسى جانە كوپ پاتەرلى تۇرعىن ۇيلەر وبەكتىلەرىندە 150 قۇرىلىس كومپانياسى جۇمىس جۇرگىزىپ جاتىر.
قر يندۋستريا جانە ينفراقۇرىلىمدىق دامۋ مينيسترلىگىنىڭ مالىمەتى بويىنشا 33 ءۇي قايتا سالىنادى. ارىستى قالپىنا كەلتىرۋ بويىنشا اۋقىمدى ءىس-شاراعا ەلىمىزدىڭ بارلىق وڭىرلەرى مەن رەسپۋبليكالىق ماڭىزى بار قالالار قاتىسادى. قۇرىلىس الاڭدارىندا بارلىعى 3000-نان استام قۇرىلىسشى ەڭبەك ەتەدى. 150 بىرلىك ارنايى تەحنيكا جۇمىلدىرىلۋدا.
ەستەرىڭىزگە سالا كەتەيىك, ارىس اۋدانىنداعى ۇيلەردىڭ 85%-ى جوندەۋدى قاجەت ەتەدى. ەلباسىنىڭ جانە مەملەكەت باسشىسىنىڭ تاپسىرماسى بويىنشا بارلىق ب ۇلىنگەن جانە بۇزىلعان وبەكتىلەر 2019 جىلدىڭ 1 تامىزىنا دەيىن تاپسىرىلۋى ءتيىس.
قر يندۋستريا جانە ينفراقۇرىلىمدىق دامۋ ۆيتسە-ءمينيسترى قايىربەك وسكەنباەۆتىڭ ايتۋىنشا, ۇيلەردىڭ مونيتورينگى مەن قۇرىلىس بارىسىن باقىلاۋ كۇن سايىن جۇرگىزىلەدى.