بۇل جونىندە قازاقستان كاسىپقوي بوكس قاۋىمداستىعىنىڭ پاراقشاسىنان ءمالىم بولدى. قازاقستاندىق جاڭقوش تۇراروۆ جارتىلاي ورتا سالماقتاعى WBO Inter-Continental ەكىنشى دەڭگەيلى تيتۋلى ءۇشىن ايقاستا ارگەنتينالىق ماۋرو ماكسيميليانو گودويدى نوكاۋتپەن جەڭدى. ولاردىڭ كەزدەسۋى 10 راۋندقا ەسەپتەلگەن بولاتىن, بىراق ءۇشىنشى راۋندتا, ۋاقىتىنان بۇرىن اياقتالدى.
تۇراروۆ گودويدى نوكداۋنعا جىبەرگەن سوڭ تورەشى ونعا دەيىن سانادى, دەگەنمەن ارگەنتينالىق بوكسشى ورنىنان تۇرا المادى. بۇل - 28 جاستاعى جاڭقوش تۇراروۆتىڭ 24-ءشى جەڭىسى. ول قارسىلاستارىن 17 رەت نوكاۋتپەن جەڭگەن. ءالى ءبىر دە ءبىر رەت جەڭىلمەگەن.
ال 29 جاستاعى گودوي 34 رەت جەڭىسكە جەتىپ, ءبىر رەت تەڭ تۇسكەن. بۇل - ونىڭ بەسىنشى جەڭىلىسى. ايتا كەتەيىك, نۇر-سۇلتانداعى بوكس كەشىن بريتاندىق MTK Global كومپانياسى مەن امەريكالىق Top Rank ۇيىمداستىرىپ وتىر.