بەيسەنبى, 13 ماۋسىم 2013 2:33
مىنا قازىرگى ءومىردىڭ بار قۇندىلىعى اقشامەن عانا باعالانىپ تۇرعان زاماندا 6 ميلليارد دوللاردى قالتاعا باسىپ, شەتەل اسۋ, وندا سايرانداپ ءومىر ءسۇرۋ قازاقستاندىق قاشقىن بانكير مۇحتار ءابىلازوۆتىڭ اسقان الاياقتىعىنىڭ شەكتەن شىققاندىعىنان تۋىنداعان جايت بولىپ وتىر. بىراق ونىڭ بۇل الاياقتىعى الىسقا جىبەرمەي ەتەگىنە ايىرىلماستاي قىلمىستىق ءىس بولىپ جابىستى. سونان «بايتال تۇگىل باس قايعى» دەگەندەي, ەندى كۇندەلىكتى كورەر جارىعىنىڭ ءوزى ازايىپ, ناقتى تۇرمەگە توعىتىلار ۋاقىتتىڭ دا تاياعانىن سەزگەندەي الاسۇرۋدا.
بەيسەنبى, 13 ماۋسىم 2013 2:33
مىنا قازىرگى ءومىردىڭ بار قۇندىلىعى اقشامەن عانا باعالانىپ تۇرعان زاماندا 6 ميلليارد دوللاردى قالتاعا باسىپ, شەتەل اسۋ, وندا سايرانداپ ءومىر ءسۇرۋ قازاقستاندىق قاشقىن بانكير مۇحتار ءابىلازوۆتىڭ اسقان الاياقتىعىنىڭ شەكتەن شىققاندىعىنان تۋىنداعان جايت بولىپ وتىر. بىراق ونىڭ بۇل الاياقتىعى الىسقا جىبەرمەي ەتەگىنە ايىرىلماستاي قىلمىستىق ءىس بولىپ جابىستى. سونان «بايتال تۇگىل باس قايعى» دەگەندەي, ەندى كۇندەلىكتى كورەر جارىعىنىڭ ءوزى ازايىپ, ناقتى تۇرمەگە توعىتىلار ۋاقىتتىڭ دا تاياعانىن سەزگەندەي الاسۇرۋدا.
ويتكەنى, ەلىمىزدىڭ ءادىل زاڭى بويىنشا قولىمەن ىستەگەن قىلمىسىن كەز كەلگەن ادام موينىمەن كوتەرۋگە ءتيىس. ال ءابىلازوۆ نە ىستەمەدى دەيسىز؟ سونىڭ ءبىر پاراعىن ايتار بولساق, كەزىندە «بتا بانك» بويىنشا عانا مۇحتار ءابىلازوۆتىڭ الاياقتىق ىستەرى ەلدەن شىعىپ, شەتەل استى. ءسويتىپ, العاشىندا قازاقستاندىق بانكتىڭ ماسكەۋدەگى كۋتۋزوۆ داڭعىلىندا عيماراتتارى پايدا بولدى. بۇل عيمارات جونىندە «بتا بانك» اق پەن «ايست» جشس 2008 جىلدىڭ 7 قاراشاسىندا كەلىسىم جاساعان.بۇل قۇجات بويىنشا, «ايست» جشس 24 ميلليون دوللاردى نەسيە رەتىندە «بتا بانكتەن» الىپ, كۋتۋزوۆ داڭعىلىنداعى 1464 شارشى مەترلىك عيمارات پەن كومپانيانىڭ 100 پايىز ۇلەسىن ءۇش ايدىڭ ىشىندە راسىمدەپ, كەپىلدىككە قويۋى كەرەك بولاتىن. بىراق «ايست» كەپىلدىككە قويۋ جونىندەگى مىندەتتەمەلەرىن ورىنداعان جوق, ال نەسيەگە العان اقشانى وففشورلىق كومپانيالار ارقىلى شەتەل اسىرىپ جىبەردى. ويتكەنى, نەسيە بەرىلگەن كەزدە «بتا بانكتىڭ» دە, «ايست» جشس-نىڭ دا يەسى مۇحتار ءابىلازوۆ بولاتىن. وسىلايشا, مۇحتار ءابىلازوۆ باستاعان قىلمىستىق توپ «بتا بانك» پەن «تەمىربانك» نەسيەلەرىن وزدەرىنىڭ فيرمالارىنا ۇلەستىرگەن. ياعني, ەكى بانكتىڭ قاراجاتىن دا, جوعارىدا ايتقانىمىزداي, اياۋسىز شاشىپ تالان-تاراجعا سالعان.ونىڭ ۇستىنە, ول 2008 جىلدىڭ قاراشا-جەلتوقسان ايلارىندا رەسەيدەگى «بتا» «رەسەي بانكىنەن» 24 ميلليارد رۋبل الىپ, ول قاراجاتتى ۆاليۋتاعا ايىرباستاپ, ءبىر كۇندىك فيرمالار ارقىلى شەتەل اسىرعان. ونىڭ «ەۆرازيا» دەپ اتالاتىن ينۆەستيتسيالىق-ونەركاسىپتىك توبى «سوگاز» ساقتاندىرۋ توبىنا «ۆولنا» دەپ اتالاتىن بيزنەس-ورتالىعىن 140 ميلليون دوللارعا ساتىپ جىبەرگەن.الەمگە ايگىلى «بتا بانكتى» 1992 جىلدان بەرى ۋكراينا دا جاقسى بىلەدى. قازاقستاندىق «بتا بانك» پەن «بتا بانك ۋكراينانىڭ» اراسىندا ۋكراينالىق بانكتىڭ 39,99 پايىز اكتسياسىنا قاتىستى داۋ ءورشىدى. قازاقستان جاعى ساتىپ العان اكتسيانى ءوز قولىندا ۇستاپ قالۋ ءۇشىن بانكتىڭ اتىن دا وزگەرتپەكشى بولدى. وسىلايشا, تمد توڭىرەگىندەگى سالماقتى بانكتەردىڭ ءبىرىن تالان-تاراجعا سالعان مۇحتار ءابىلازوۆتىڭ كەسىرىنەن قازىر كورشىلەس ەلدە ۇزاققا سوزىلعان داۋلى اڭگىمەلەر شەگىنە جەتتى. قاشقىن بانكيردىڭ ۇستالاتىن ۋاقىتى جەتتى. جاقىندا عانا يتاليادا قاشقىن وليگارح وتباسىمەن جاسىرىنىپ جاتقانى انىقتالعاندا, اتتەگەن-اي, ونىڭ ءوزى بولماي قالدى. ويتكەنى, وزگەلەردى ساتىپ ۇيرەنگەن ساتقىن بانكيرگە, جەمە-جەمگە كەلگەندە, وتباسىن دا وتقا تاستاپ كەتۋ قيىندىق كەلتىرمەگەن سەكىلدى.
الماس بولاتوۆ.