تۇركيا پرەزيدەنتى ەلباسىنى تۋعان كۇنىمەن جانە استانا كۇنىمەن قۇتتىقتاپ, نۇرسۇلتان نازارباەۆقا زور دەنساۋلىق جانە جاڭا جەتىستىكتەر تىلەدى. تاراپتار باۋىرلاس ەكى ەلدىڭ يگىلىگى ءۇشىن قازاقستان-تۇركيا ىنتىماقتاستىعىن ودان ءارى دامىتۋدىڭ ماڭىزدىلىعىن اتاپ ءوتتى.
رەسەي پرەزيدەنتى ەلباسىنى تۋعان كۇنىمەن جانە استانا كۇنىمەن شىن جۇرەكتەن قۇتتىقتاپ, نۇرسۇلتان نازارباەۆقا زور دەنساۋلىق جانە تولاعاي تابىس تىلەدى. اڭگىمەلەسۋ بارىسىندا تاراپتار ەكى ەل اراسىنداعى ستراتەگيالىق سەرىكتەستىك پەن وداقتاستىق قارىم-قاتىناستاردى ودان ءارى دايەكتى تۇردە دامىتۋعا نيەتتەستىك ءبىلدىردى.
نۇرسۇلتان نازارباەۆ ارمەنيا رەسپۋبليكاسىنىڭ پرەمەر-ءمينيسترى نيكول پاشينيانمەن تەلەفون ارقىلى سويلەستى. ارمەنيانىڭ پرەمەر-ءمينيسترى ەلباسىنى تۋعان كۇنىمەن جانە استانا كۇنىمەن قۇتتىقتاپ, نۇرسۇلتان نازارباەۆقا زور دەنساۋلىق پەن اماندىق تىلەدى. اڭگىمەلەسۋ بارىسىندا تاراپتار قازاقستان-ارمەنيا اراسىنداعى جان-جاقتى قاتىناستاردى نىعايتا بەرۋگە نيەتتى ەكەندىگىن جەتكىزدى.
قىرعىزستان رەسپۋبليكاسىنىڭ پرەزيدەنتى سوورونباي جەەنبەكوۆ ەلباسىنى تۋعان كۇنىمەن جانە استانا كۇنىمەن قۇتتىقتاپ, نۇرسۇلتان نازارباەۆقا زور دەنساۋلىق جانە العا قويعان ماقساتتارىنىڭ تابىستى جۇزەگە اسىرىلۋىنا نيەتتەستىك ءبىلدىردى. ەكى تاراپ قازاقستان مەن قىرعىزستان اراسىنداعى تاتۋ كورشىلىك جانە ءوزارا سەنىمگە نەگىزدەلگەن ءتۇرلى سالالارداعى قاتىناستاردى ودان ءارى نىعايتۋ قاجەتتىگىن اتاپ ءوتتى.
وزبەكستان پرەزيدەنتى شاۆكات ميرزيوەۆ ەلباسىنى تۋعان كۇنىمەن جانە استانا كۇنىمەن قۇتتىقتاپ, نۇرسۇلتان نازارباەۆقا مىقتى دەنساۋلىق جانە تولاعاي تابىس تىلەدى.اڭگىمەلەسۋ بارىسىندا دوستىققا, سەنىم مەن ىنتىماقتاستىققا نەگىزدەلگەن قازاقستان-وزبەكستان ستراتەگيالىق قارىم-قاتىناستارىن تەرەڭدەتۋدىڭ ماڭىزدىلىعى تۋرالى ايتىلدى.