جۇما, 31 مامىر 2013 2:06
تاياۋدا باس پروكۋراتۋرادا زاڭدىلىقتى, قۇقىقتىق ءتارتىپتى جانە قىلمىسقا قارسى كۇرەستى قامتاماسىز ەتۋ جونىندەگى ۇيلەستىرۋ كەڭەسىنىڭ كەزەكتى وتىرىسى بولىپ, وندا اتىس قارۋلارىنىڭ, وق-دارىلەردىڭ جانە جارىلعاش زاتتاردىڭ زاڭسىز اينالىمىنا قارسى كۇرەس جانە ولارعا توسقاۋىل قويۋدىڭ تيىمدىلىگىن ارتتىرۋ ماسەلەلەرى قارالدى.باس پروكۋرور اتاپ وتكەندەي, قۇقىق قورعاۋ ورگاندارى باسشىلارىنىڭ زاڭسىز قارۋ اينالىمى ماسەلەسىن تالقىلاۋىنىڭ وزەكتىلىگى, ەڭ الدىمەن, قوعامدىق قاۋىپسىزدىكتى جانە قۇقىقتىق ءتارتىپتى قامتاماسىز ەتۋ قاجەتتىلىگىمەن, سونداي-اق ۇيىمداسقان قىلمىستىڭ ءوسۋ ءۇردىسىنەن تۋىنداپ وتىر.
جۇما, 31 مامىر 2013 2:06
تاياۋدا باس پروكۋراتۋرادا زاڭدىلىقتى, قۇقىقتىق ءتارتىپتى جانە قىلمىسقا قارسى كۇرەستى قامتاماسىز ەتۋ جونىندەگى ۇيلەستىرۋ كەڭەسىنىڭ كەزەكتى وتىرىسى بولىپ, وندا اتىس قارۋلارىنىڭ, وق-دارىلەردىڭ جانە جارىلعاش زاتتاردىڭ زاڭسىز اينالىمىنا قارسى كۇرەس جانە ولارعا توسقاۋىل قويۋدىڭ تيىمدىلىگىن ارتتىرۋ ماسەلەلەرى قارالدى.باس پروكۋرور اتاپ وتكەندەي, قۇقىق قورعاۋ ورگاندارى باسشىلارىنىڭ زاڭسىز قارۋ اينالىمى ماسەلەسىن تالقىلاۋىنىڭ وزەكتىلىگى, ەڭ الدىمەن, قوعامدىق قاۋىپسىزدىكتى جانە قۇقىقتىق ءتارتىپتى قامتاماسىز ەتۋ قاجەتتىلىگىمەن, سونداي-اق ۇيىمداسقان قىلمىستىڭ ءوسۋ ءۇردىسىنەن تۋىنداپ وتىر.
قابىلدانعان شارالارعا قاراماستان, قارۋ اينالىمى سالاسىنداعى جاعداي كۇردەلى كۇيدە قالىپ تۇر. اتىس قارۋىن قولدانۋمەن بايلانىستى قىلمىستار سانىنىڭ ارتۋى الاڭداتۋشىلىق تۋعىزادى. سوڭعى بەس جىلدا اتىس قارۋىن قولدانۋمەن بايلانىستى تىركەلگەن 2 328 قىلمىستىڭ 93 پايىزى زاڭسىز اينالىمدا جۇرگەن قارۋمەن جاسالعان.تراۆماتيكالىق قارۋدى قولدانىپ جاسالاتىن قىلمىستاردىڭ سانى 8 ەسەگە – 2008 جىلعى 46-دان 2012 جىلى 375-كە دەيىن وسكەن. بيىلعى جىلدىڭ باسىنان بەرى 139 وسىنداي قىلمىس جاسالعان, بۇل قارۋ قولدانۋمەن بايلانىستى بارلىق تىركەلگەن قىلمىستاردىڭ 60 پايىزدان استامىن قۇراپ وتىر.وسىنىڭ بارلىعى قوعامدىق قاۋىپسىزدىكتى ارتتىرۋعا, ياعني تراۆماتيكالىق قارۋدى باقىلاۋسىز پايدالانۋدى بولدىرماۋ ءۇشىن قارۋ يەلەرىنە زاڭنامالىق شەكتەۋلەر جونىندەگى باستاما كوتەرۋ قاجەتتىلىگىنە الىپ كەلدى. ىشكى ىستەر مينيسترلىگى دايىنداعان زاڭ جوباسى تراۆماتيكالىق قارۋدى ازاماتتىق اينالىمنان الىپ تاستاپ, ونى قىزمەتتىك توپقا اۋىستىرۋدى كوزدەيدى.تالقىلاۋ قورىتىندىسى بويىنشا ۇيلەستىرۋ كەڭەسىنىڭ مۇشەلەرى قارۋدىڭ زاڭسىز تارالۋىنا توسقاۋىل قويۋ, قارۋ اينالىمىنا باقىلاۋدى كۇشەيتۋ, ونىڭ ءتيىستى ەسەپكە الىنۋىن جانە ساقتالۋىن قامتاماسىز ەتۋگە باعىتتالعان كەشەندى شارالار ۇسىندى.وسى ماقساتتا وڭىرلىك ىشكى ىستەر ورگاندارىنىڭ اسكەري-تەرگەۋ بولىمشەلەرىمەن ءوزارا ءىس-قيمىلىن كۇشەيتۋ, زاڭسىز ساقتالعان اتىس قارۋلار مەن وق-دارىلەردى الۋ, ولاردىڭ ساتىپ الۋ كوزدەرىن تابۋ, زاڭسىز جەتكىزۋ ارنالارىن انىقتاۋ بويىنشا بىرلەسكەن جۇمىستاردىڭ بەلسەندىلىگىن ارتتىرۋ ۇسىنىلدى. تراۆماتيكالىق قارۋدى زاڭسىز ساتىپ الۋ, ساتۋ, ساقتاۋ, تاسىمالداۋ جانە الىپ ءجۇرۋ ءۇشىن قىلمىستىق جاۋاپكەرشىلىك بەلگىلەۋ ۇسىنىلدى.سونداي-اق, ۋاكىلەتتى ورگاندارعا ازاماتتىق جانە قىزمەتتىك قارۋ اينالىمى سالاسىنداعى شارۋاشىلىق سۋبەكتىلەرىنىڭ قىزمەتىنە باقىلاۋدى كۇشەيتۋ, جارىلعىش زاتتاردى ساقتاۋ مەن ەسەپكە الۋدىڭ تالاپتارىن قايتا قاراۋ, ولارعا رۇقساتى بار تۇلعالاردىڭ اۆتوماتتاندىرىلعان مالىمەتتەر بازاسىن جاساۋ مۇمكىندىگىن زەردەلەۋ تاپسىرىلدى.الەكساندر تاسبولاتوۆ,«ەگەمەن قازاقستان».