شايبالى حوككەيدەن قازاقستاننىڭ ۇلتتىق قۇراما كومانداسى وڭتۇستىك كورەياعا قارسى وتكىزگەن ءۇشىنشى جولداستىق كەزدەسۋدە ايقىن جەڭىسكە قول جەتكىزدى.
ايتۋلى باسەكەدە جەرلەستەرىمىز قارسىلاستارىنا باس كوتەرتكەن جوق. ءبىرىنشى كەزەڭدە كورەيالىقتاردىڭ قاقپاسىنا جاۋاپسىز ءتورت شايبا سالدىق. بۇل گولداردىڭ اۆتورلارى – كيريلل بالدين (7-مينۋت), ارتەم يگناتەنكو (8-مينۋت), سەرگەي باناشكوۆ (14-مينۋت) جانە دانيار عابدۋللين (18-مينۋت). ودان كەيىن نيكيتا كارپاسوۆ (35-مينۋت), ماقسات ىبىراەۆ (39-مينۋت) جانە پاۆەل جيلين (45-مينۋت) نىسانان ءدال كوزدەدى. قارسى جاق ءبىر عانا گول سوعۋعا جارادى. قورىتىندى ەسەپ – 7:1.
ەستەرىڭىزگە سالا كەتەيىك, قوس كوماندا اراسىنداعى العاشقى ەكى ماتچ وڭتۇستىك كورەيا قۇراماسىنىڭ پايداسىنا شەشىلگەن ەدى. بۇل كەزدەسۋلەردە 4:5 جانە 4:7 ەسەپتەرى تىركەلدى. الداعى ۋاقىتتا ولار تاعى ەكى رەت ءوزارا كۇش سىناسادى.