ۇلىبريتانيانىڭ استاناسى – لوندوندا ءوتىپ جاتقان ۋيمبلدون ءتۋرنيرىنىڭ ەكىنشى كەزەڭىنە قازاقستاننىڭ قوس تەننيسشىسى شىققانى بەلگىلى.
بۇعان دەيىن ءبىز WTA رەيتينگىندە 39 ورىندا تۇرعان قازاقستاندىق يۋليا پۋتينتسەۆا ءوزىنىڭ تۇساۋكەسەر كەزدەسۋدە الەمنىڭ ەكىنشى راكەتكاسى, جاپونيانىڭ جۇلدىزى ناومي وساكانى 7:6, 6:2 ەسەبىمەن ۇتقانى جايىندا جازعانبىز. وكىنىشكە قاراي, ەكىنشى اينالىمدا جەرلەسىمىزدىڭ جولى بولمادى. ول مىقتىلار تىزىمىندە 81 ساتىعا جايعاسقان شۆەيتساريالىق ۆيكتوريا گولۋبيچكە ەسە جىبەردى. 1 ساعات 40 مينۋتكە سوزىلعان باسەكە 4:6, 6:7 ەسەبىمەن اياقتالدى.
ۋيمبلدونداعى ەندىگى جالعىز ءۇمىتىمىز – ميحايل كۋكۋشكين. العاشقى اينالىمدا يسپانيالىق پابلو اندۋحاردان ايلاسىن اسىرعان قازاقستاننىڭ ەڭ ۇزدىك تەننيسشىسى بۇگىن الەمنىڭ 12-راكەتكاسى امەريكالىق دجون يزنەرمەن شەبەرلىك بايقاسادى.