دەسەك تە, الماتىداعى مەديتسينالىق احۋالدىڭ سىن كوتەرمەيتىن تۇستارى بار. بىلىكتى مامانداردىڭ جەتىسپەۋشىلىگى, كاسىبي تۇرعىدا مەديتسينالىق كومەك كورسەتۋدە ورىن الاتىن كەمشىلىكتەر, اسىرەسە العاشقى مەديتسينالىق-سانيتارلىق جانە «جەدەل» جاردەم قىزمەتتەرىنىڭ, ستاتسيونارلاردىڭ جۇمىسى, مەدپەرسونالدىڭ دورەكىلىگى, دارىلەردىڭ جەتىمدىلىگى بويىنشا ارىزدار مەن شاعىمدار وسىنى دالەلدەي تۇسسە كەرەك.
قالانىڭ ءباسپاسوز قىزمەتىنىڭ مالىمەتتەرى بويىنشا, №5 قكا مەديتسينا قوعامداستىعىمەن, ۇكىمەتتىك ەمەس ۇيىمدار وكىلدەرىمەن كەزدەسىپ, دەنساۋلىق ساقتاۋ سالاسىنىڭ اعىمداعى جاعدايىن تالقىلادى, سونىمەن قاتار پروبلەمالىق ماسەلەلەردى اشىق تالقىلاپ, سالانى ودان ءارى دامىتۋدىڭ جولدارىن بەلگىلەدى. الماتى اكىمى قالالىق قوعامدىق دەنساۋلىق باسقارماسىنا جۇمىستى جاقسارتۋ بويىنشا بىرقاتار تاپسىرمالار بەردى.
پرەزيدەنت قاسىم-جومارت توقاەۆتىڭ تاپسىرماسىنا ساي مەديتسينالىق قىزمەتتىڭ قولجەتىمدىلىگى, دەنساۋلىق ساقتاۋ سالاسىن تسيفرلاندىرۋ, دارىگەرلەردىڭ مارتەبەسىن ارتتىرۋ سىندى ماسەلەلەردى شەشۋ قاجەتتىگىن اتاپ وتكەن قالا اكىمى «مەديتسينالىق قىزمەتتىڭ ساپاسى - ءبىزدىڭ مەگاپوليستى دامىتۋدىڭ باستى كورسەتكىشى. سوندىقتان بىرگە جۇمىس ىستەپ, ورىن العان كەمشىلىكتەردى تىكەلەي ايتىپ, ولاردى شەشۋ مەن سالانى دامىتۋ جولدارىن تابۋ قاجەت», - دەپ اتاپ ءوتتى. سونىمەن قاتار قالالىق قوعامدىق دەنساۋلىق باسقارماسى ەكى اپتا ىشىندە پروبلەمالىق ماسەلەلەردى شەشۋدىڭ كەشەندى جوسپارىن ازىرلەۋى قاجەتتىگىن تاپسىردى. قالا اكىمى ايدىڭ سوڭىنا دەيىن قالانىڭ بارلىق مەديتسينا مەكەمەلەرىندە مەديتسينالىق جابدىقتاردى ءتيىمدى پايدالانۋ جانە تۇتىنۋ باعاسى بويىنشا اۋديت وتكىزۋدى تاپسىردى.
الماتى