15 شىلدەدە نۇر-سۇلتاندا قازاقستان رەسپۋبليكاسى پرەزيدەنتى كۋبوگى جولىنداعى جارىستىڭ جالاۋى جەلبىرەيدى. بىرقاتار مەملەكەتتەردەن كەلەتىن تانىمال بوكسشىلاردىڭ قاتىسۋىمەن وتەتىن حالىقارالىق تۋرنيردە قازاقستاننىڭ ۇلتتىق كومانداسى قانداي قۇرامدا ونەر كورسەتەتىنى بەلگىلى بولدى.
قازاقستان قۇراماسىنىڭ باس باپكەرى عالىمبەك كەنجەباەۆ مىنا شاكىرتتەرىنە سەنىم ارتىپ وتىر: 52 كيلو – ءانۋار مۇزاپاروۆ, 57 كيلو – قايرات ەراليەۆ, 63 كيلو – زاكىر سافيۋللين مەن ءساناتالى تولتاەۆ, 69 كيلو – اسلانبەك شىمبەرگەنوۆ پەن ابىلايحان ءجۇسىپوۆ, 75 كيلو – تۇرسىنباي قۇلاحمەت, ءابىلحان امانقۇل, تالعات شايكەن, 91 كيلو – ۆاسيلي لەۆيت پەن ايبەك ورالباي جانە +91 كيلو – قامشىبەك قونقاباەۆ.
سوڭعى كەزدەرى ورەلى ونەرىمەن كوزگە ءتۇسىپ جۇرگەن بىلعارى قولعاپ شەبەرلەرى اراسىندا تەك بۇل تۋرنيرگە بەك نۇرماعانبەت قانا قاتىسپايدى. 81 كيلو سالماقتا كۇش سىناساتىن قانداسىمىز جاراقاتىنان ءالى دە قايىقپاعان كورىنەدى.