قىزىلوردا وبلىسى پوليتسيا دەپارتامەنتىنىڭ كريمينالدىق پوليتسيا باسقارماسى مال ۇرلىعىن جاساعان 36 ادامدى قولعا ءتۇسىردى. ولاردىڭ 339 قىلمىس جاساعانى دالەلدەنىپ وتىر. ۇرلىقتىڭ 65% جاعدايدا مال جايىلىمنان, ال قالعان 35 پايىزىندا اۋلادان جانە قورالاردان اكەتىلگەن.
«سوڭعى كەزدەرى ورىستە جۇرگەن مالداردى سويىپ الىپ كەتۋ دەرەكتەرى ورىن الۋدا. بارلىعى 31 فاكتى انىقتالدى. قاراۋسىز جايىلىپ جۇرگەن مالدى سويىپ الىپ كەتۋ بويىنشا قىزىلوردا قالاسى مەن شيەلى اۋدانىندا - 7-دەن, جاڭاقورعاندا - 10, قارماقشىدا - 4, جالاعاشتا - 2, ارال اۋدانىندا 1 قىلمىس جاسالدى», - دەپ مالىمدەيدى قىزىلوردا وبلىستىق پوليتسيا دەپارتامەنتىنىڭ ءباسپاسوز قىزمەتى.
ەلدى الاڭداتىپ وتىرعانى ۇرلىقتىڭ كوبەيىپ بارا جاتقاندىعى. بيىل جىل باسىنان بەرى 339 مال ۇرلانىپتى. تابىلعانى-117 باس قانا. سوندىقتان, «باس جارىلسا, بورىك ىشىندە» دەمەي, ۇرىلار قاتار جازالانباسا ەركىنسي بەرەدى.
قىزىلوردا وبلىسى