وسىمەن 28 مارتە ۇيىمداستىرىلعالى وتىرعان ءداستۇرلى جارىسى ارقىلى كوپتەگەن ساقا سپورتشىلاردىڭ تاربيەلەنىپ شىققانى بارشاعا ءمالىم. سولاردىڭ قاتارىندا ۆيتالي ساۆين, ولگا شيشيگينا, ولگا رىپاكوۆا, گريگوري ەگوروۆ, دميتري كارپوۆ, يگور پوتاپوۆيچ جانە تاعى باسقا داڭقتى جەرلەستەرىمىز بار. بيىلعى دودادا 2020 جىلعى توكيو وليمپياداسىنىڭ جانە 2019 جىلعى الەم چەمپيوناتىنىڭ ليتسەنزيالارى ساراپقا سالىنادى. سول سەبەپتى دە الاتاۋ بوكتەرىنە بىرقاتار مەملەكەتتەردەن بەلدى جەڭىل اتلەتتەر كەلىپ, ايتۋلى جارىستاردىڭ جولدامالارى ءۇشىن تالاسۋدى قۇپ كورىپ وتىر. ءبىزدىڭ ەلدىڭ دە ەڭ ۇزدىك ورەندەرى عۇسمان قوسانوۆتىڭ مەموريالىندا ونەر كورسەتەدى.
جەڭىل اتلەتتەرگە قاتىستى تاعى ءبىر جاعىمدى جاڭالىعىمىز بار. كۇنى كەشە الماتىدا اياقتالعان قازاقستان كۋبوگىندا ءۇش قارعىپ سەكىرۋ جاتتىعۋىندا باق سىناعان ولگا رىپاكوۆا 14 مەتر 37 سانتيمەترلىك كورسەتكىشپەن باس جۇلدەنى ولجالادى. وسى ناتيجەسىنىڭ ارقاسىندا ول وليمپيا ويىندارىنىڭ ليتسەنزياسىنا يەلىك ەتتى. وسىلايشا, قازاقستاندىق جەڭىل اتلەت ءوزىنىڭ ءتورتىنشى وليمپياداسىنا قاتىسقالى وتىر. وسىعان دەيىن رىپاكوۆا 2008 جىلى بەيجىڭدە – كۇمىس, 2012 جىلى لوندوندا – التىن جانە 2016 جىلى ريو-دە-جانەيرودا – قولا مەدالدى يەلەنگەن بولاتىن.