بەلارۋس ەلىنىڭ استاناسى – مينسكىدە ەكىنشى جازعى ەۋروپا ويىندارى ءوز مارەسىنە جەتتى.
10 كۇنگە سوزىلعان ايتۋلى دودادا 50 مەملەكەتتەن كەلگەن 3 844 سپورتشى باق سىنادى. ولار سپورتىڭ 15 ءتۇرى بويىنشا 200 جۇلدە جيىنتىعىن ساراپقا سالدى. قارت قۇرلىقتىڭ بارلىق مىقتىلارى باس قوسقان كەشەندى جارىس رەسەي قۇراماسىنىڭ ايقىن جەڭىسىمەن اقتالدى. ولار 109 (44 التىن+23 كۇمىس+42 قولا) جۇلدە ولجالاپ, جالپى كوماندالىق ەسەپتە كوش باستادى.
ەكىنشى ورىندا – بەلارۋس. جارىس قوجايىندارى 69 (24+16+29) جۇلدەگە قول جەتكىزدى. ءۇشىنشى ساتىعا 51 (16+17+18) مەدالى بار ۋكراينا سپورتشىلارى جايعاستى. سونداي-اق, ۇزدىك بەستىكتىڭ قاتارىنا يتاليا مەن گوللانديا قۇرامالارى قوسىلدى. اپەننين تۇبەگىنىڭ تۇلەكتەرى 41 (13+15+13) جۇلدەنى ەنشىلەسە, قىزعالداقتار ەلىنىڭ وكىلدەرى 29 (9+13+7) مارتە جەڭىس تۇعىرىنا كوتەرىلدى.