ماسەلەن, WTA رەيتينگىندە 39 ورىندا تۇرعان قازاقستاندىق يۋليا پۋتينتسەۆا تۇساۋكەسەر كەزدەسۋدە الەمنىڭ ەكىنشى راكەتكاسى ناومي وساكاعا وپىق جەگىزدى. بىلتىر اقش-تىڭ جانە بيىل اۆستراليانىڭ اشىق بىرىنشىلىكتەرىندە الدىنا جان سالماعان جاپونيانىڭ جۇلدىزى جەرلەسىمىزگە تەك ءبىرىنشى سەتتە عانا قارسىلىق كورسەتە الدى – 6:7. ەكىنشىسىندە يۋليانىڭ باسىمدىعى ايقىن بولدى – 7:6. ءسويتىپ, اينالدىرعان 11 كۇن ارالىعىندا پۋتينتسەۆا وساكانى ەكىنشى مارتە ۇتتى. وسىنىڭ الدىندا عانا بيرمەنگەنمدەگى تۋرنيردە ول الەمدىك رەيتينگتە كوش باستاپ تۇرعان تەننيسشىنى 6:2, 6:3 ەسەبىمەن ويسىراتا جەڭدى. ەرتەڭ وتانداسىمىز ۇزدىكتەر تىزىمىندە 81 ورىندا تۇرعان شۆەيتساريالىق ۆيكتوريا گولۋبيچپەن شەبەرلىك بايقاسادى.
ۋيمبلدوندا باق سىناعان زارينا دياستىڭ جولى بولمادى. العاشقى اينالىمدا ول امەريكالىق دانيەل روۋز كوللينزگە ەسە جىبەردى – 3:6, 5:7. بۇگىنگى كەشتە قازاقستاننىڭ تاعى قوس ويىنشىسى كورتقا شىقتى. اتاپ ايتساق, ميحايل كۋكۋشكين يسپانيالىق پاۆبلو اندۋحارمەن, ال الەكساندر بۋبليك فرانتسيالىق گرەگۋار باررەرمەن كۇش سىناستى.