توتەنشە جاعدايدى باستان وتكەرگەن ارىس جۇرتشىلىعى تۋعان قالالارىنا ورالىپ, تىرشىلىك قىزا ءتۇستى. ارىستاعى بارلىق بانك بولىمشەلەرى اشىلىپ, جۇمىسىن باستاپ كەتتى. تۇرعىندارعا جالاقى, اتاۋلى الەۋمەتتىك كومەك, زەينەتاقى جانە جاردەماقى اۋدارىلۋدا.
قالاداعى ساۋدا ورىندارى مەن بازارلاردا, دۇكەندەردە ازىق-ت ۇلىك, تۇرمىسقا قاجەتتى زاتتار مەن بۇيىمدار, تاۋارلار ساتىلىپ جاتىر. ۇن, ماكارون ونىمدەرى, كيىم-كەشەك, كوكونىس ساتىلىمعا شىقتى. مال بازارى دا اشىلدى. كاسىپكەرلەر قالىپتى جاعدايدا جۇمىس ىستەۋدە.
ال دۇكەنىنە زاقىم كەلگەن كاسىپكەرلەرگە نىسانداردى جوندەۋ ءۇشىن مەملەكەت تاراپىنان قولداۋ كورسەتىلەدى. ولارعا ارنايى سەكتورلارعا بولىنگەن قۇرىلىسشىلار كومەكتەسپەك. نىساندار قىسقا مەرزىمدە جوندەلەدى.
ارىس قالاسىندا 340-تان استام كاسىپكەرلىك نىسانى بار. ونىڭ ىشىندە 164 دۇكەن, 5 بازار, 8 تويحانا, 28 كافە, 6 ناۋبايحانا, 5 ءدامحانا, 5 قوناق ءۇي تىركەلگەن. وسى نىسانداردىڭ زارداپ شەكپەگەندەرى قالىپتى جاعدايدا جۇمىسقا كىرىسىپ كەتتى.