تەرەڭكولدەگى «زەلەنايا روششا» جالپى ءبىلىم بەرۋ مەكتەبىندە بالالارعا ارنالعان ءداستۇرلى «ۋلىبكا» جازعى دەمالىس لاگەرى بيىل دا ۇيىمداستىرىلدى. لاگەردىڭ بارلىق تاربيەشىلەرى ءوز مەكتەبىمىزدىڭ مۇعالىمدەرى. ولار ءار بالانىڭ ەرەكشەلىگىن, مىنەز-قۇلقىن, قىزىعۋشىلىعىن جاقسى بىلەدى.
لاگەردىڭ اشىلۋى ءداستۇر بويىنشا 1 ماۋسىمدا وتكەن بولاتىن. بالالاردى كۇلكىلى كلوۋندار مەن ەرتەگى كەيىپكەرلەرى قارسى العان-دى. ولار سودان بەرى لاگەرگە بىرنەشە رەت كەلىپ, ءتۇرلى كونكۋرستار مەن ويىندار وتكىزىپ, جۇمباقتار جاسىردى, جارىس وتكىزدى.
وقۋشىلار ءۇشىن ءتۇرلى تىلدىك ساباقتار وتكىزىلدى. قازاق ءتىلى ءپانىنىڭ مۇعالىمى ى.تۇرسىنحانوۆا «ءتىل – ءتىرەگىم» اتتى ءۇيىرمە ۇيىمداستىرىپ, وندا بالالار قازاق ءتىلى بويىنشا ينتەللەكتۋالدىق بىلىمدەرىن كورسەتتى. اعىلشىن ءتىلىنىڭ مۇعالىمى ا.تەمىربولاتوۆانىڭ جەتەكشىلىگىمەن بالالار «Lingvوkids» ءۇيىرمەسىندە اعىلشىن ءتىلىن بەلسەنە ءۇيرەندى.
ساباقتاردان باسقا, تاربيەشىلەر ويىن-ساۋىق شارالارىن, سپورت جارىستارىن, ۆيكتورينالار مەن ءارتۇرلى كونكۋرستاردى وتكىزدى. مۇنىڭ ءبارى بالالاردىڭ شىعارماشىلىق تۇرعىدا جەتىلۋىنە كومەكتەسەدى.
جالپى, بالالاردى بىلىمگە قىزىقتىرۋدىڭ دا ءتۇرلى پەداگوگيكالىق تاسىلدەرى بار. جاز مەزگىلىندە بالدىرعانداردىڭ ۋاقىتتارىن بوسقا وتكىزبەي, دەنساۋلىقتارىن جاقسارتىپ, ءبىلىمدەرىن جەتىلدىرۋىنە «ۋلىبكا» لاگەرى يگىلىكتى ىقپال ەتتى.
ا.بوقاەۆا,
«زەلەنايا روششا» ورتا مەكتەبىنىڭ مۇعالىمى
پاۆلودار وبلىسى,
تەرەڭكول اۋدانى