ديماش قۇدايبەرگەن ەلوردادا وتكەن جەكە كونتسەرتىندە ارىس تۇرعىندارىنا كومەك رەتىندە قارجى اۋداراتىنىن ايتتى.
«شەتەلدە كوپ جۇرگەنىممەن, ىلعي ەلىمنىڭ جاڭالىقتارىن ءبىلىپ وتىرامىن. ينتەرنەتتى اقتارعاندا ەڭ ءبىرىنشى ەلىمدە نە بولىپ جاتقانىن قارايمىن. جاقىندا ارىستا بولعان وقيعا ماعان دا قاتتى باتتى. ءتىپتى كونتسەرت بەرۋ وسى كەزدە ىڭعايسىزداۋ سەكىلدى كورىندى, سولاي ايتقاندار دا بولدى. الايدا شەتەلدەن شاقىرىپ قويىلعان قوناقتار بار, ارنايى كەلۋشىلەر بار! سولاردى ەسكەرۋ كەرەك بولدى. سوندىقتان ارىسقا كومەك رەتىندە وسى كونتسەرتتەن تۇسكەن قاراجاتتىڭ ءبىر بولىگىن اۋدارامىن دەپ شەشتىم. بۇل سىزدەردىڭ دە كومەكتەرىڭىز سانالادى, اعايىن» دەدى ديماش قۇدايبەرگەن كونتسەرت بارىسىندا.