مەملەكەت باسشىسى قاسىم-جومارت توقاەۆتىڭ اتىنا ارىس قالاسىندا بولعان قايعىلى وقيعاعا بايلانىستى تۇركيا رەسپۋبليكاسىنىڭ پرەزيدەنتى رەدجەپ تايپ ەردوعاننىڭ كوڭىل ايتۋ جەدەلحاتى كەلىپ ءتۇستى. بۇل تۋرالى اقوردانىڭ ءباسپاسوز قىزمەتى xابارلادى.
«تۇركىستان وبلىسى ارىس قالاسىنداعى اسكەري بولىمشەدەگى وق-ءدارى قويماسىندا بولعان جارىلىس سالدارىنان ادامداردىڭ زارداپ شەككەندەرى تۋرالى اقپاراتتى زور كۇيزەلىسپەن قابىلدادىم. قازاقستان حالقىنىڭ اۋىر قايعىسىنا ورتاق ەكەنىمىزدى بىلدىرەمىن. تۇرىك حالقىنىڭ جانە جەكە ءوزىمنىڭ اتىمنان قىمباتتى باۋىرىم سىزگە, باۋىرلاس قازاق حالقىنا, قازا بولعانداردىڭ جاقىندارىنا قايعىرىپ كوڭىل ايتامىن», – دەلىنگەن جەدەلحاتتا.
تۇركيا پرەزيدەنتى زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك ءبىلدىردى.