جيىن بارىسىندا وقمۋ رەكتورى وڭتۇستىك وڭىردەگى ىرگەلى وقۋ ورنىندا اتقارىلىپ جاتقان ىلكىمدى ىستەردى اتاپ ءوتىپ, الداعى جوسپارلارى جايىندا باياندادى. سونداي-اق ول ماسس-مەديانىڭ قوعامداعى ورنى تۋراسىندا اڭگىمەلەدى.
– اۋەزوۆ ۋنيۆەرسيتەتىندە بولىپ جاتقان ماڭىزدى وقيعالار, ءبىلىم-عىلىم سالاسىنداعى تىڭ جاڭالىقتار, عالىمداردىڭ عىلىمي-يننوۆاتسيالىق جوبالارى رۋحاني-تانىمدىق تۇرعىداعى ماڭىزدى اقپاراتتاردى جۇرتشىلىققا دۇرىس جەتكىزۋ ىسىندە ءباسپاسوز سالاسى ماڭىزدى ءرول اتقارادى. سەبەبى, جالپىعا ورتاق اقپاراتتاندىرۋ عاسىرىندا ناقتى اقپارات نەگىزگى باسىمدىق ءارى قۇندىلىق بولىپ سانالادى, – دەدى داريا قوجامجاروۆا.
ۋنيۆەرسيتەت باسشىسى ءوز سوزىندە ماسس-مەديا ءوزىنىڭ «ءتورتىنشى بيلىك» رەتىندەگى جوعارى مارتەبەسىن راستاي وتىرىپ, ونىڭ قازاقستاندىق ءپاتريوتيزمدى نىعايتۋعا, قوعامدىق كەلىسىم مەن ەتنوسارالىق تاتۋلىق قۇندىلىقتارىن بەكەمدەي تۇسۋگە, مەملەكەت پەن قوعامنىڭ وزەكتى پروبلەمالارىنا جەدەل ءۇن قاتۋعا سەرپىندى ۇلەس قوسىپ كەلە جاتقاندىعىن اتاپ ءوتتى.
– 75 جىلدىق تاريحى بار وردالى وقۋ ورنى كوپتەگەن بيىك بەلەستەردى باعىندىرۋدا. ال, بۇل رەتتە ۋنيۆەرسيتەت پەن حالىقتىڭ اراسىنداعى التىن كوپىر بولىپ جۇرگەن سىزدەردىڭ ەڭبەكتەرىڭىز ەلەۋلى ۇلكەن ەكەنىن اتاپ وتكەن ابزال, – دەدى داريا پەرنەشقىزى.
جيىن سوڭىندا وقمۋ رەكتورى ايماقتاعى بىرقاتار رەسپۋبليكالىق اقپارات قۇرالدارىنىڭ مەنشىكتى تىلشىلەرى مەن ءوڭىر جۋرناليستەرىن «العىس حاتپەن» ماراپاتتاپ, سىي-سياپات كورسەتتى.
ولاردىڭ قاتارىندا «حابار» تەلەارناسىنىڭ مەنشىكتى ءتىلشىسى نۇربەك بايبوسىن, Qazaqstan ۇلتتىق ارناسىنىڭ مەنشىكتى ءتىلشىسى عاني قالماقانوۆ, ەgemen Qazaqstan گازەتىنىڭ مەنشىكتى ءتىلشىسى نۇرشات توكەن, «كتك» تەلەارناسىنىڭ مەنشىكتى ءتىلشىسى بەك ابيەۆ, «استانا» تەلەارناسىنىڭ مەنشىكتى تىلشىلەرى ايزادا تورەبەك, باحروم تاليبجانوۆ, «قازاقپارات» حالىقارالىق اقپارات اگەنتتىگىنىڭ مەنشىكتى ءتىلشىسى اينۇر اقباەۆا, «وڭتۇستىك» تەلەارناسىنىڭ ديرەكتورى ءۋالي قىدىر, «وتىرار» تەلەارناسىنىڭ ديرەكتورى ايگەرىم جۇماعۇلوۆا, «نارتۆ» تەلەارناسىنىڭ باس رەداكتورى ارداق جاقسىلىقوۆا جانە «حابار» تەلەارناسىنىڭ بەينەوپەراتورى نۇرماحان مۇساتوۆ بار.
«ءسىزدى قازاقستان رەسپۋبليكاسىنىڭ بۇقارالىق اقپارات قۇرالدارى قىزمەتكەرلەرى كۇنىمەن شىن جۇرەكتەن قۇتتىقتايمىن! سىزگە كاسىبي شەبەرلىگىڭىز بەن م. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ قىزمەتىن جان-جاقتى ناسيحاتتاۋداعى اقپاراتتىق قولداۋىڭىز ءۇشىن العىسىمدى بىلدىرەمىن. ءبىزدىڭ ىنتىماقتاستىعىمىز الداعى ۋاقىتتا دا ءوزارا ءتيىمدى قارىم-قاتىناستا بولاتىنىنا كامىل سەنىمدىمىن. سىزگە جاڭا شىعارماشىلىق جوبالاردى ىسكە اسىرۋدا شالقار شابىتىڭىزدىڭ ارتا تۇسۋىنە تىلەكتەسپىن. سىزگە جانە ءسىزدىڭ تۋعان-تۋىستارىڭىزعا زور دەنساۋلىق, باياندى باق-بەرەكە تىلەيمىن» دەلىنگەن «العىس حاتتا».