ارىستاعى جاعداي ءبىر قالانىڭ تۇرعىندارىن عانا ەمەس تۇتاس ەلدىڭ قابىرعاسىن قايىستىرىپ جىبەردى. جاعداي تۇراقتالىپ كەلەدى دەپ داتكە قۋات ەتكەنىمەن ءوز ۇيىنە ورالا الماي وتىرعان قالا تۇرعىندارىنا كومەك ءالى دە كەرەك. سوندىقتان دا «Nur Otan» پارتياسى قىزىلوردا وبلىستىق فيليالى جانىنداعى «جاس وتان» جق-نىڭ 20-عا جۋىق ەرىكتىلەرى قول ۇشىن بەرۋگە شىمكەنت قالاسىنا كەلدى.
ولار «Nur Otan» پارتياسى وبلىستىق فيليالىنداعى قابىلداۋ بەكەتىنە سىربويىلىق ازاماتتاردىڭ, سونىڭ ىشىندە جاس كاسىپكەرلەردىڭ قولداۋىمەن جيناقتالعان ازىق-ت ۇلىك, كيىم كەشەك, كورپە جاستىق, گيگيەنالىق زاتتاردى وزدەرىمەن بىرگە اپاردى.
حالقىمىزدا «قايعى بولىسسە ازايادى» دەگەن قاناتتى ءسوز بار. قامىققان جۇرتتىڭ جاراسى جازىلۋ ءۇشىن ءالى ءبىراز ۋاقىت كەرەك. ولار ادامدار تاراپىنان مەيىرىمدىلىككە مۇقتاج. قىزىلوردالىق جاستار وسى ولقىلىقتىڭ ورنىن تولتىرۋ ءۇشىن بابا سالتىمەن كومەك بەرمەك.