قىزىلوردا وبلىسىنىڭ اكىمى, وبلىستىق Nur Otan پارتياسى فيليالىنىڭ توراعاسى قىرىمبەك كوشەرباەۆتىڭ توراعالىعىمەن وتكەن جيىندا مەملەكەت باسشىسىنىڭ سايلاۋالدى باعدارلاماسىنان تۋىندايتىن مىندەتتەردى جۇزەگە اسىرۋدا پارتيا الدىنداعى نەگىزگى جۇمىستار تالقىعا سالىندى.
جيىنعا توراعالىق ەتكەن وبلىس اكىمى الدىمەن پرەزيدەنت سايلاۋىندا قىزىلوردالىقتاردىڭ 81,6 پايىزى سايلاۋعا قاتىسىپ, 75,3 پايىزى پرەزيدەنت قاسىم-جومارت كەمەل ۇلى توقاەۆتى قولداپ داۋىس بەرگەندىگىن ايتتى. «بۇل – اۋىزبىرشىلىگى مەن ىنتىماعىنان اينىماعان سىر حالقىنىڭ ەلدىڭ بولاشاعى ءۇشىن تۇڭعىش پرەزيدەنت – ەلباسىنىڭ سارابدال ساياساتىن جالعاستىرۋشى قاسىم-جومارت كەمەل ۇلىنا ارتقان زور سەنىمى», دەدى ق. كوشەرباەۆ.
جيىن بارىسىندا پارتيانىڭ وبلىستىق فيليالى توراعاسىنىڭ ءبىرىنشى ورىنباسارى اقمارال ءالنازاروۆا اتقارىلعان جۇمىستارمەن قاتار سايلاۋ ناۋقانى بارىسىنداعى ەرەكشەلىكتەرگە دە توقتالىپ ءوتتى.
سونداي-اق ول ۆirge اكتسياسى اياسىندا وڭىردە 32 مىڭنان استام انكەتا جيناقتالعاندىعىن ايتتى. ولاردىڭ 27591-ءى كانديداتتى قولداۋ حاتتارى بولسا, 4500-ءى ۇسىنىستار مەن پروبلەمالىق ماسەلەلەر ەكەن.
– تالداۋ ناتيجەسى كورسەتكەندەي ۇسىنىستاردىڭ 15,7%-ى الەۋمەتتىك كەپىلدىكتەردى قامتاماسىز ەتۋ, 9,4%-ى ءبىلىم, 7,0%-ى تۇرعىن ءۇي جانە تۇرعىن ءۇي-كوممۋنالدىق شارۋاشىلىعى جانە 5,1%-ى دەنساۋلىق ساقتاۋ جۇيەسىنە قاتىستى. وڭىرلىك دەڭگەيدە جەدەل ارەكەت ەتۋدى تالاپ ەتكەندەرى سايلاۋ ناۋقانى بارىسىندا ءتيىستى مەكەمەلەرمەن شەشىلدى. ال ستراتەگيالىق ايماقتىق جانە رەسپۋبليكالىق پاكەت ماسەلەلەرى ساراپتالىپ ءتيىستى ورگاندارعا جولدانادى, – دەدى ا.ءالنازاروۆا.
سىر ءوڭىرى ەلباسىنىڭ «رۋحاني جاڭعىرۋ» باعدارلاماسىنا العاشقى بولىپ ءۇن قوسىپ, ءوز الدىنا ورتالىق قۇرىپ, ىرگەلى ءىس باستاعان وبلىستاردىڭ قاتارىندا. بۇل باعىتتا وبلىستىق پارتيا فيليالى ساياسي كەڭەسىنىڭ مۇشەسى, «سىر مەديا» جشس ديرەكتورى امانجول وڭعارباەۆ ءوز ۇسىنىستارىن ورتاعا سالدى.ونىڭ ايتۋىنشا ۇلتتىق رۋحتى وياتۋ, جاڭعىرتۋ ءۇشىن الدىمەن اتاقونىس – اۋىلدىڭ رۋحىن كوتەرۋ كەرەك.
ەلدىڭ الەۋمەتتىك-ەكونوميكالىق دامۋ جولىندا 10 باعىتتان تۇراتىن مەملەكەت باسشىسىنىڭ تاپسىرماسىن ساياسي كەڭەس مۇشەلەرى دە ءبىر اۋىزدان قولدادى. ونداعى ءاربىر باعىتقا جەكە-جەكە توقتالىپ, ونى جۇزەگە اسىرۋ باعىتىنداعى ۇسىنىستارىمەن ءبولىستى.
ماسەلەن, وبلىستىق پارتيا فيليالى ساياسي كەڭەسىنىڭ مۇشەسى, وبلىستىق پارتيا فيليالى جانىنداعى سىبايلاس جەمقورلىققا قارسى ءىس-قيمىل جونىندەگى قوعامدىق كەڭەستىڭ توراعاسى ناۋرىزباي بايقاداموۆ پرەزيدەنتتىڭ ساياسي تۇعىرناماسىنىڭ نەگىزگى باعىتتارىنىڭ باسىندا قاراستىرىلعان سىبايلاس جەمقورلىقتى جويۋ ماسەلەسىنە توقتالدى.
– سىبايلاستىقپەن كۇرەس بارشامىزعا مىندەت. وسى ورايدا پرەزيدەنت قىركۇيەك ايىنا دەيىن جەمقورلىقتى بارىنشا تومەندەتەتىن رەفورمالار توپتاماسىن دايىنداۋدى تاپسىردى. وزىنە تىكەلەي باعىناتىن سىبايلاس جەمقورلىققا قارسى ءىس-قيمىل اگەنتتىگىن قۇرىپ, ناقتى شارالار قولعا الىنىپ جاتىر. ولاردىڭ قاتارىندا باعىنىشتىلارى سىبايلاس جەمقورلىققا بارعان جاعدايدا ءبىرىنشى باسشىلاردىڭ ورنىنان ءتۇسۋ ينستيتۋتىن ىسكە اسىرۋ تەتىگى قوسىلاتىنىن ايتتى. بۇل ءبىزدىڭ بارلىعىمىزدىڭ اۋەلى ءوزىمىز ءۇشىن جاۋاپكەرشىلىكتەرىمىزدى ارتتىرۋدى تالاپ ەتەدى, – دەدى ناۋرىزباي بايقاداموۆ.
– بىردەن ايتا كەتەيىن, پرەزيدەنت تاپسىرعان بۇل مىندەتتەردى جۇزەگە اسىرۋعا ءبىزدىڭ الەۋەتىمىز بەن مۇمكىندىگىمىز جەتەدى جانە وعان قاجەتتى العىشارتتارىمىز دا بار.
وزدەرىڭىزگە بەلگىلى, 2019 جىلعى 7 اقپاندا تۇڭعىش پرەزيدەنت – ەلباسى نۇرسۇلتان ءابىش ۇلى نازارباەۆتىڭ توراعالىعىمەن وتكەن قاۋىپسىزدىك كەڭەسىنىڭ قاراۋىنا ءوڭىردىڭ بىرقاتار وزەكتى پروبلەمالىق ماسەلەلەرىن ۇسىنعان بولاتىنبىز. كەڭەس وتىرىسىنىڭ ناتيجەسىمەن قىزىلوردا وبلىسىنىڭ الەۋمەتتىك-ەكونوميكالىق دامۋىنىڭ كەشەندى جوسپارى ازىرلەنىپ, ۇكىمەت بۇل قاۋلىنى بەكىتىپ, ايماقتىڭ دامۋىنا كەلەسى 3 جىلعا قوسىمشا 219 ملرد تەڭگە قارجى ءبولىندى.
قاشاندا سىر ەلىنە كوڭىلى ەرەكشە ەلباسى بۇل جولى دا حالىقتىڭ تالاپ-تىلەگىنە, ءبىزدىڭ ۇسىنىسىمىزعا ءوز قولداۋىن ءبىلدىردى, – دەگەن وبلىس باسشىسى قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆقا ايماققا جاساعان ايرىقشا قامقورلىعى ءۇشىن وبلىس جۇرتشىلىعى اتىنان شىنايى العىس ءبىلدىردى جانە ناتيجەلى ەڭبەكپەن لايىقتى جاۋاپ بەرەتىندىكتەرىنە سەندىردى. مەملەكەت باسشىسىنىڭ 10 ناقتى باعىتىنىڭ وبلىستا ورىندالۋىنا ءمۇمكىندىك بار ەكەندىگىن ايتتى.
مىسالى, 2018-2020 جىلدار وبلىس اكىمدىگى مەن ءماسليحات, Nur Otan پارتياسى فيليالىمەن, قوعامدىق كەڭەس جانە كاسىپكەرلەر پالاتاسىمەن بىرلەسىپ «كاسىپكەرلىكتى قولداۋدىڭ 3 جىلدىعى» دەپ جاريالاعان بولاتىن.
جاپپاي كاسىپكەرلىكتى دامىتۋعا بيىلعى جىلى بارلىق قارجىلاندىرۋ كوزدەرىنەن 34 ملرد تەڭگە قارجى ءبولىنىپ وتىر. سونىڭ ارقاسىندا جاڭا جۇمىس ورىندارى اشىلادى. سالىقتىق بازا دامىپ, جەرگىلىكتى بيۋدجەت نىعايادى, قوعامدىق-ساياسي تۇراقتىلىق ورنىعادى.
ساياسي كەڭەس وتىرىسىندا پارتيانىڭ وبلىستىق فيليالىنىڭ توراعاسى ءاربىر ۇسىنىسقا ەرەكشە ءمان بەرىپ, ءتيىستى ورگان باسشىلارىنا جۇمىستى جەتىلدىرۋ باعىتىندا ناقتى تاپسىرمالار بەردى.
مەملەكەت باسشىسىنىڭ تاپسىرمالارى ايماقتا وسىلايشا كەزەڭ-كەزەڭىمەن ورىندالىپ جاتىر.
قىزىلوردا وبلىسى