سەيسەنبى, 12 ناۋرىز 2013 6:47
پرەزيدەنتتىك سايلاۋ 14 ساۋىرگە تاعايىندالدى
ۆەنەسۋەلانىڭ ورتالىق سايلاۋ كوميسسياسى مەرزىمىنەن بۇرىن وتكىزىلەتىن پرەزيدەنتتىك سايلاۋدى 2013 جىلدىڭ 14 ساۋىرىنە تاعايىندادى. ەل پرەزيدەنتى ۋگو چاۆەس قايتىس بولعاننان كەيىن ۆەنەسۋەلا بيلىگى پرەزيدەنتتىك سايلاۋ 30 كۇن ىشىندە وتەتىنىن مالىمدەگەن بولاتىن.
سەيسەنبى, 12 ناۋرىز 2013 6:47
پرەزيدەنتتىك سايلاۋ 14 ساۋىرگە تاعايىندالدى
ۆەنەسۋەلانىڭ ورتالىق سايلاۋ كوميسسياسى مەرزىمىنەن بۇرىن وتكىزىلەتىن پرەزيدەنتتىك سايلاۋدى 2013 جىلدىڭ 14 ساۋىرىنە تاعايىندادى. ەل پرەزيدەنتى ۋگو چاۆەس قايتىس بولعاننان كەيىن ۆەنەسۋەلا بيلىگى پرەزيدەنتتىك سايلاۋ 30 كۇن ىشىندە وتەتىنىن مالىمدەگەن بولاتىن.
پرەزيدەنتتىك سايلاۋدا بيلىك پارتياسى بۇعان دەيىن ۆيتسە-پرەزيدەنت جانە ۋ.چاۆەستىڭ اۋىرىپ جاتقان كەزىندە مەملەكەت باسشىسىنىڭ مىندەتىن ۋاقىتشا اتقارعان نيكولاس مادۋرونى ۇسىنادى. ال وپپوزيتسيا سايلاۋ تاعايىندالماي تۇرىپ-اق پرەزيدەنتتىككە كانديدات ەتىپ ميراند شتاتىنىڭ گۋبەرناتورى ەنريك كاپريلەستى ۇسىناتىنىن مالىمدەگەن ەدى. ەنريك كاپريلەس 2012 جىلدىڭ كۇزىندە وتكەن پرەزيدەنتتىك سايلاۋعا ءتۇسىپ, ۋگو چاۆەستەن جەڭىلىس تاپقان بولاتىن. وسى تۇستا اتاپ وتەيىك, 8 ناۋرىزدا ن.مادۋرو ەلدىڭ ۋاقىتشا پرەزيدەنتى رەتىندە انت بەرگەن ەدى.
دەپۋتات تەرگەۋ كوميتەتىنە شاقىرىلدى
«سپراۆەدليۆايا روسسيا» پارتياسىنان مەملەكەتتىك دۋماعا سايلانعان دەپۋتات ولەگ ميحەەۆ ەندى رەسەي تەرگەۋ كوميتەتىنىڭ قىزمەتكەرلەرى الدىندا جاۋاپ بەرەتىن بولادى. بۇل جونىندە كەشە «نوۆوستي» اقپارات اگەنتتىگى حابارلادى.
ولەگ ميحەەۆتەن جاۋاپ الۋ بۇگىن, ياعني 12 ناۋرىزدا ساعات 12.00-گە بەلگىلەنگەن. دەپۋتات مەملەكەتتىك بيلىككە جانە ەكونوميكا سالاسىندا جاساعان قىلمىستارى ءۇشىن تەرگەۋشىلەرگە جاۋاپ بەرمەك. وعان رەسەي قىلمىستىق كودەكسىنىڭ ءۇش بابى بويىنشا ايىپ تاعىلىپ وتىر.
مەملەكەتتىك دۋما 19 اقپاندا باس پروكۋراتۋرانىڭ سۇراۋ سالۋىمەن ميحەەۆتى دەپۋتاتتىق قول سۇعىلماۋشىلىعىنان ايىرۋ تۋرالى شەشىم قابىلداعان بولاتىن. دەرەكتەرگە قاراعاندا, ميحەەۆكە ۆولگوگراد موتورقۇرىلىسى زاۋىتىنا تيەسىلى 14 نىساندى تارتىپ الۋعا, «پرومسۆيازبانكتىڭ» 2 ميلليارد رۋبلدەن استام قارجىسىن يەلەنىپ كەتۋگە ارەكەتتەنگەن دەگەن ايىپتار تاعىلعان. مۇنىڭ سىرتىندا ونىڭ قازاقستاندىق بانكتەردەن العان 40 ميلليون دوللارعا جۋىق قاراجاتى تاعى بار.
پاكستاندىق حريستياندار شەرۋگە شىقتى
وتكەن جەكسەنبى كۇنى پاكستاندا تۇراتىن حريستياندار شەرۋگە شىعىپ, ب ۇلىكشىل مۇسىلمانداردان قورعاۋدى تالاپ ەتتى. «فرانس-پرەسس» اقپارات اگەنتتىگىنىڭ حابارلاۋىنشا, شەرۋ ەلدىڭ بىرقاتار قالالارىندا وتكەن.
قارسىلىق شەرۋىنە شىعۋشىلار وزدەرىن ب ۇلىكشىل مۇسىلمانداردان قورعاۋدى تالاپ ەتۋمەن قاتار, تارتىپسىزدىكتەردىڭ الدىن الۋدا دارمەنسىزدىك تانىتقان پوليتسەيلەردى دە ايىپتاعان. حريستيانداردىڭ بۇل قارسىلىق اكتسياسى 9 ناۋرىزدا لاحور قالاسىنىڭ حريستياندار كۆارتالىندا ورىن العان وقيعالارعا بايلانىستى بولسا كەرەك. وسى كۇنى بولعان تارتىپسىزدىكتەر كەزىندە حريستيانداردىڭ جۇزدەن استام ۇيلەرى ورتەنىپ, ونداعان دۇكەندەر تونالعان كورىنەدى.
قاتەلىك سالدارىنان ەكى رەت قول قويدى
وسى جىلدىڭ قاڭتارىنان جالپىحالىقتىق سايلاۋ ۇدەرىسى بويىنشا چەحيا پرەزيدەنتى بولىپ ەلدىڭ بۇرىنعى پرەمەر-ءمينيسترى ميلوش زەمان سايلانعان بولاتىن. ويتكەنى, سەنبى كۇنى پرەزيدەنتتىڭ انت بەرۋ راسىمىندە ميلوش زەمان ماتىندەگى گرامماتيكالىق قاتەلەردىڭ سالدارىنان انت بەرۋ ماتىنىنە ەكى رەت قول قويۋىنا تۋرا كەلدى.
چەحيا پارلامەنتىنىڭ دەپۋتاتى, ءارى پالاتا توراعاسى ميروسلاۆ نەمتسوۆتىڭ ايتۋىنشا, 8 ناۋرىز كۇنى چەحيانىڭ جاڭا پرەزيدەنتىن ۇلىقتاۋ سالتاناتى وتكەن. پرەزيدەنت ميلوش زەمان ەل كونستيتۋتسياسىنا وڭ قولىن قويىپ تۇرىپ, انت بەرۋ ءماتىنىن وقىعان. سودان كەيىن ول ماتىنگە قول قويعان. ال ماتىندەگى ءبىر ءسوزدىڭ سوڭعى ەكى ءارپى «ءتۇسىپ» قالعان ەكەن. «ءبىز بۇل قاتەلىكتى تۇزەتتىك. پرەزيدەنت مىرزا چەحيا كونستيتۋتسيالىق سوتى توراعاسىنىڭ, سەنات توراعاسىنىڭ, ۇكىمەت باسشىسىنىڭ جانە مەنىڭ قاتىسۋىممەن انتتىڭ تۇزەتىلگەن ماتىنىنە قايتادان قول قويدى»,– دەپتى م.نەمتسوۆ.
5 تريلليون رۋبل جۇمسالادى
رەسەيدىڭ اسكەري-تەڭىز فلوتى 2020 جىلدىڭ سوڭىنا دەيىن جالپى سانى 78 ءسۋۇستى جانە سۋاستى كەمەلەرىمەن تولىعاتىن بولادى. بۇل جونىندە رەسەيدىڭ قورعانىس ءمينيسترى سەرگەي شويگۋ مالىمدەدى.
ءمينيستردىڭ سوزىنە قاراعاندا, اسكەري تەحنيكالارمەن قامتاماسىز ەتۋ ەلدىڭ مەملەكەتتىك باعدارلاماسىندا قاراستىرىلعان. اتالعان باعدارلاما اياسىندا اسكەري-تەڭىز فلوتى سەگىز ستراتەگيالىق اتوم سۇڭگۋىر قايىعىن, 16 سۋاستى كەمەسىن جانە ءارتۇرلى ۇلگىدەگى 54 ءسۋۇستى كەمەسىن الۋى قاجەت. رەسەيدىڭ 2020 جىلعا دەيىنگى مەملەكەتتىك قارۋ-جاراق باعدارلاماسىن جۇزەگە اسىرۋعا 5 تريلليون رۋبلگە جۋىق قارجى جۇمساۋ جوسپارلانىپ وتىر.
«تالپاق تاناۋدىڭ» ولەكسەلەرى تابىلدى
شانحايدىڭ نەگىزگى سۋ ارتەرياسىنىڭ ءبىرى – حۋانپۋ وزەنىنەن 2,2 مىڭعا جۋىق ولگەن شوشقا تابىلدى. «رەيتەر» اگەنتتىگىنىڭ حابارلاۋىنشا, وسىنشاما شوشقانىڭ نە سەبەپتەن ولگەنى قازىرگە بەلگىسىز. جەرگىلىكتى بيلىك ونىڭ سەبەپ-سالدارىن تەكسەرىپ جاتىر.
كەيبىر دەرەك كوزدەرى بويىنشا, شوشقا ولەكسەلەرى حۋانپۋ وزەنى باستاۋ الاتىن چجەتسزيان پروۆينتسياسىنان اعىپ كەلۋى مۇمكىن. شوشقالار اۋرۋعا شالدىققان سوڭ, فەرمەرلەر وزەنگە تاستاعان دەگەن بولجامدار دا ايتىلۋدا. قازىرگى كەزدە قالا باسشىلىعى وزەننەن شوشقا ولەكسەلەرىنەن تازارتۋ جۇمىستارىن قولعا الدى. قىتايدا شوشقا ونىمدەرى اۋىل شارۋاشىلىعىنىڭ نەگىزگى سالالارىنىڭ ءبىرى بولىپ تابىلادى.
قىسقا قايىرىپ ايتقاندا:
رەسەي پرەزيدەنتى ۆلاديمير پۋتين سولتۇستىك-باتىس فەدەرالدىق وكرۋگىنىڭ تۇراقتى وكىلى ەتىپ ۆلاديمير ءبۋلاۆيندى تاعايىندادى. بۇعان دەيىن ول قاۋىپسىزدىك كەڭەسى حاتشىسىنىڭ ورىنباسارى بولىپ ىستەگەن.
شەتەلدىك بۇقارالىق اقپارات قۇرالدارىنىڭ حابارلاۋىنشا, قىتاي بانكتەرىندە كحدر باسشىسى كيم چەن ىن باقىلاۋ جاسايتىن ەسەپ-شوتتار تابىلعان. ولاردا جۇزدەگەن ميلليون دوللار جاتقان سياقتى.
كەشە ەرتەڭگىلىك گۆينەيانىڭ سولتۇستىگىندەگى لاە قالاسىنىڭ ماڭىندا جەر سىلكىنىسى بولدى. سىلكىنىس قۋاتى – 6,7 بالل. تسۋنامي قاۋپى جوق.
ارمەنيادا وتكەن پرەزيدەنتتىك سايلاۋدا جەڭىلىس تاپقان كانديداتتاردىڭ ءبىرى – راففي وۆاننيسيان اشتىق جاريالادى. ول قايتا سايلانعان س.سارگسياننان سايلاۋ ناتيجەلەرىن وزگەرتۋدى تالاپ ەتۋدە.
ينتەرنەت ماتەريالدارى نەگىزىندە ازىرلەندى.