شىۇ بايقاۋشىلارى سايلاۋعا ءمان بەرەدى

ۆ. نوروۆ شىۇ حاتشىلىعى ۇيىمنىڭ سوڭعى 15 جىلداعى قىزمەتىنىڭ قازىرگى 48-ءشى ميسسياسىنا ۇلكەن ءمان بەرەتىنىن اتاپ ءوتتى. «الداعى سايلاۋ وتە باسەكەلى بولماق جانە وعان ءتۇرلى ساياسي باع­دار­لا­ما­لار ۇسىن­عان جەتى كان­دي­دات­تىڭ, سونىڭ ىشىندە ايەل ادام­­نىڭ قاتى­سۋى قازاق­ستان­دىق سايلاۋشىلار ءۇشىن شىنايى كەڭ تاڭداۋ ءمۇم­كىن­دىگىن قامتاماسىز ەتەدى», دەپ اتاپ ءوتتى شىۇ باس حاتشىسى.

شىۇ ميسسياسىنىڭ باي­قاۋ­شىلارى قازاقستاننىڭ 7 ءىرى قالاسىنداعى سايلاۋ ۋچاس­كەلەرىندە جۇمىس ىستەيتىن بولادى. ميسسيا قۇرامىندا  شىۇ-عا مۇشە جەتى مەملەكەتتىڭ 25 زاڭ شىعارۋ, اتقارۋشى جانە سايلاۋ ورگاندارىنىڭ وكىلدەرى, سونداي-اق ۇيىمنىڭ تۇراقتى ورگاندارى حاتشىلىق پەن ايماقتاعى تەرروريزمگە قارسى قۇرىلىم اتقارۋشى كوميتەتىنىڭ رەسمي ادامدارى بار.

ءسىم-دە وتكەن كەزدەسۋدە تاراپتار شانحاي ىنتىماقتاس­تىق ۇيىمىنىڭ ساياسات پەن قاۋىپسىزدىك, ساۋدا جانە ەكونوميكا, سونداي-اق مادەني-گۋما­نيتارلىق باعىتتاعى ىقپالداسۋ بارىسىن تالقىلادى. وعان قوسا, 13-14 ماۋسىمدا بىشكەكتە وتەتىن شىۇ ءسامميتىنىڭ كۇن ءتارتىبى مەن وعان دايىندىق بارىسى قارالدى. وسى ورايدا قازاقستاندىق مينيستر 22 مامىردا بىشكەكتە وتكەن شىۇ سىرتقى ىستەر مينيسترلەرىنىڭ وسى ءىس-شارانى دايىنداۋ ءجونىن­دەگى كەڭەسىنىڭ قورىتىن­دى­سىن شىعارىپ, جالپى قىرعىز­ستان­نىڭ شىۇ-عا تابىستى ءتور­اعالىق ەتۋىن ەرەكشە اتاپ ءوتتى.

شىۇ باس حاتشىسى قازاق­ستاننىڭ تۇڭعىش پرەزي­دەنتى – ەلباسى نۇرسۇلتان نازار­باەۆتىڭ ۇيىم اياسىنداعى, ءبىرىن­شى كەزەكتە, كوپجاقتى ىن­تى­ماقتاستىقتىڭ بارلىق باعى­تىن نىعايتۋدى كوزدەيتىن باس­تا­مالارىنا جوعارى باعا بەردى.

شىۇ شەڭبەرىندەگى ءوزارا ءىس-قيمىل – قازاقستان رەسپۋب­ليكاسىنىڭ سىرتقى سايا­ساتىن­داعى ماڭىزدى باعىت­تاردىڭ ءبىرى. ۆ.نوروۆ قازاقستاننىڭ شىۇ-نىڭ دامۋىنا ۇلەسىن جوعارى باعالاپ, ەلىمىزدىڭ ۇيىمداعى تۇعىرلى ورنىنا ەرەكشە ءمان بەردى. بۇل جەردە ءۇندىستان مەن پاكى­س­تاندى تولىققاندى مۇشە ەتىپ قابىلداۋ ارقىلى شىۇ-نى كەڭەيتۋ باعىتىندا تاريحي شەشىمدەر قابىلدانعان 2017 جىلعى استانا ءسامميتىنىڭ قورىتىندىلارىنا ەرەكشە نازار اۋدارىلدى.