ماڭعىستاۋ وبلىسىندا اتالعان بايقاۋ زور ۇيىمشىلدىقپەن وتكىزىلەدى - اكە تاعىلىمى, انا تاربيەسى, ۇرپاقتار ۇلاعاتى ساراپقا سالىنىپ, وزگەلەرگە ۇلگى رەتىندە ۇسىنىلار, وزدەرىنىڭ مەرەيىن ارتتىرار شاراعا قاتىسۋعا ىنتا بىلدىرۋشىلەر سانى از ەمەس. بەلگىلى ۇستاز-مۋزىكانت, ماڭعىستاۋ مادەنيەتىنىڭ تانىمال وكىلى, 77 جاسىندا ستۋدەنت اتانعان, بۇگىندە 80-ءنىڭ سەڭگىرىنە شىققان ورىن قۇلساريەۆتىڭ وتباسى 2015 جىلى وبلىستىق كەزەڭنىڭ جەڭىمپازى اتانىپ قانا قويماي, رەسپۋبليكالىق بايقاۋدىڭ گران پري جۇلدەسىن جەڭىپ العان بولاتىن. 12 بالا, 46 نەمەرە, 41 شوبەرە تاربيەلەپ وتىرعان قۇلساريەۆتەر وتباسىنا پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ءتورايىمى گۇلشارا ابدىقالىقوۆا ارنايى ەستەلىك ءمۇسىن, «مەرەيلi وتباسى» ۇلتتىق بايقاۋى جەڭىمپازىنىڭ ديپلومى مەن قازاقستاندا شىعارىلعان IVECO شاعىن اۆتوبۋسىنىڭ كىلتىن تابىستاعان ەدى.
بيىلعى وڭىرلىك بايقاۋعا وبلىستىڭ اۋداندارى مەن قالالارىنان مۇناي-گاز, ەنەرگەتيكا, ءبىلىم, دەنساۋلىق ساقتاۋ, اۋىل شارۋاشىلىعى, ونەر, كاسىپكەرلىك سالالارىنان قۇرالعان 67 وتباسى ءوتىنىم بەردى. بايقاۋعا كوپ بالالى وتباسىلار مەن جاس وتباسىلار بەلسەندى قاتىسۋدا.
ساراپشىلاردىڭ تالقى-تارازىسى ناتيجەسىندە «مەرەيلى وتباسى – 2019» ۇلتتىق بايقاۋىنىڭ باس جۇلدە يەگەرى بولىپ جاڭاوزەن قالاسىنان جۇگەنباەۆتار وتباسى تانىلدى. وتاعاسى, سالامادين جۇگەنباەۆ 1943 جىلى ماڭعىستاۋ وبلىسى سىعىندى اۋىلىندا دۇنيەگە كەلگەن. اتىراۋ قالاسىنداعى اۋىلشارۋاشىلىق تەحنيكۋمىن «زووتەحنيك» ماماندىعى بويىنشا بىتىرگەن. كوپ جىلدار ەراليەۆ اتىنداعى كەڭشاردا زووتەحنيك بولىپ ەڭبەك ەتكەن سالامادين اۋىل شارۋاشىلىعىنا قوسقان ۇلەسى ءۇشىن لەنيننىڭ تۋعانىنا 100 جىل, ماڭعىستاۋ وبلىسىنىڭ قۇرىلعانىنا 35 جىل, 50 جىل, قاراقيا اۋدانىنىڭ قۇرىلعانىنا 45 جىل توسبەلگىلەرىمەن جانە بىرنەشە العىس حاتتارمەن ماراپاتتالعان. جۇبايى اعيا بالىقباەۆا – اۋىل شارۋاشىلىعى سالاسىنان زەينەتكە شىققان كوپ بالالى انا. وتاۋ قۇرعاندارىنا 57 جىل تولعان اۋىل شارۋاشىلىعى سالاسىنىڭ اۋلەتى. سالامادين اعا مەن «التىن القا» يەگەرى اعيا اپا وتباسى 8 بالا ءوسىرىپ, ولاردان 29 نەمەرە, 9 شوبەرە ءسۇيىپ وتىر.بايقاۋ قورىتىندىسى بويىنشا ءبىرىنشى ورىن ماڭعىستاۋ اۋدانىنىڭ ۇلگىلى وتباسى نۇرسەبەپوۆتەر وتباسىنا, ەكىنشى ورىن قاراقيالىق تورلانوۆتار وتباسىنا, ءۇشىنشى ورىن بەينەۋ اۋدانىنان قاتىسقان قيداسوۆتار وتباسىنا بەرىلدى.
ەل اراسىندا « ۇلىن ۇياعا, قىزىن قياعا قوندىرىپ, نەمەرە-شوبەرەسىن الپەشتەي ءوسىرىپ, شاڭىراعىنان شاتتىق لەبى ەسكەن ونەگەلى وتباسىلاردىڭ كوپتىگى ريزالىق سەزىمىنە بولەيدى.
ماڭعىستاۋ وبلىسى