جارمەڭكەگە 77-دەن استام اۋىر شارۋاشىلىعى تاۋار ءوندىرۋشىلەرى قاتىستى. ولار قۇنى 116 ملن تەڭگەنى قۇرايتىن 365 توننا ءونىمدى ساۋداعا شىعاردى. ونىڭ ىشىندە ەت جانە ەت ونىمدەرى – 81 توننا, ءسۇت ونىمدەرى – 29 توننا, بالىق 5 توننانى قۇرايدى. وبلىستان كەلگەن وتاندىق ءونىمدەر بازار نارقىنان 10-15 پايىزعا ارزان باعامەن ۇسىنىلدى. ايتا كەتەرلىگى, حالىقارالىق بالالاردى قورعاۋ كۇنىمەن تۇسپا-تۇس كەلگەن جارمەڭكەدە 16 جاسقا دەيىنگى بالالارعا تۇركىستاننان كەلگەن بالمۇزداق تەگىن تاراتىلدى.
بيىل اۋىل شارۋاشىلىعى سالاسىندا وڭ ۇدەرىس بايقالىپ, جالپى قۇنى 89 ملرد تەڭگەنى قۇرايتىن 480 جوبا ىسكە اسسا, وڭىردەگى ءداندى داقىلدار 9,8 مىڭ گەكتارعا ارتىق ەگىلگەن. بەلگىلى بولعانداي, ءتۇركىستان وبلىسىنداعى اۋىل شارۋاشىلىعى ءونىمدەرىنىڭ جالپى كولەمى 619 ملرد تەڭگەگە جەتەدى دەگەن جاعىمدى بولجام بار.