سولتۇستىك قازاقستان مەن وزبەكستاننىڭ حورەزم وبلىستارى ارىپتەستىك كەلىسىمگە قول قويدى

كورشى ەل دەلەگاتسياسىن حورەزم وبلىسى حوكيمىنىڭ ءبىرىنشى ورىنباسارى كۋدراتبەك يگامبەرگەنوۆ باستاپ كەلدى.

«ءبىز وڭىرلىك دەڭگەيدە جۇمىس جاساۋعا دايىنبىز. وزبەك بيزنەسمەندەرىن ارىپتەستىككە شاقىرامىن. قىزىلجار– قازاقستانداعى ەڭ قۇنارلى ايماقتاردىڭ ءبىرى. بىرلەسكەن جوبالاردى جۇزەگە اسىرامىز دەگەن سەنىمدەمىن», دەگەن قۇمار ىرگەباي ۇلى  رەسەيدىڭ ءۇش وبلىسىمەن شەكتەسەتىن وڭىردە اۋىل شارۋاشىلىعى جاقسى وركەندەپ كەلە جاتقانىن جەتكىزدى. جىلىنا بەس ميلليون توننادان استام استىق جينالادى. 2017 جىلعا قاراعاندا وزبەكستانمەن اراداعى ساۋدا-ساتتىق كولەمى 55 پروتسەنتكە ۇلعايدى. كوبىنە بيداي ەكسپورتتالادى. ول جاقتان  ماقتا-ماتا ونىمدەرى, جەمىس-جيدەك اكەلىنەدى. .

حورەزم وبلىسى حوكيمىنىڭ ءبىرىنشى ورىنباسارى كۋدراتبەك يگامبەرگەنوۆ وزبەك تارابى ءوزارا ىنتىماقتاستىقتى ورىستەتۋگە دايىن ەكەندىگىن جەتكىزدى.

«قازاقستان– وزبەكستان ءۇشىن سەنىمدى ستراتەگيالىق سەرىكتەس. ءبىزدىڭ تاريحىمىز ورتاق. بىرلەسكەن جوبالاردى جۇزەگە اسىرۋدى بارىنشا قولدايمىز», دەدى كۋدراتبەك يگامبەرگەنوۆ.

ونىڭ ايتۋىنشا, اتالمىش وبلىس ورتا ازياداعى كونە ايماقتاردىڭ ءبىرى.  سىرتقى تاۋار اينالىمى 242 ميلليون اقش دوللارىن قۇراسا, ونىڭ 72 ميلليونى قازاقستانعا تيەسىلى. جىلىنا 250 مىڭ توننا  ماقتا,  490 مىڭ توننا بيداي, 1 ميلليون توننادان استام كوكونىس وندىرىلەدى. ۇرگەنىش, حيۋا سەكىلدى قالالار تۋريستىك ورتالىق سانالادى.  بىلتىر ءۇش مىڭداي قازاقستاندىق دەمالىپ قايتقان.