كەڭەستە قالا جانە اۋدان اكىمدەرىنىڭ ورىنباسارلارى ساراپشىلارعا جاڭا جوبالارىن تانىستىردى.
العاشقىسى - بيىل وبلىس ورتالىعىندا ەستاي بەركىمباەۆ ەسكەرتكىشى مەن مۋزەيى اشىلماق. ەسكەرتكىش ەستاي اتىنداعى مəدەنيەت سارايىنىڭ ماڭىندا بوي كوتەرسە, مۋزەي ساراي ىشىندە اشىلادى.
ەكىباستۇز قالاسىندا «تۋعان جەر» ارنايى جوباسى بويىنشا «سابيلەر اللەياسىندا» جاڭا تۋعان ءəربىر نəرەستەنىڭ قۇرمەتىنە اتا-اناسى بەلگىلەنگەن جەرگە اعاش وتىرعىزادى.
سونىمەن قاتار باۋىرجان مومىش ۇلىنا ارنالعان مونۋمەنت قالانىڭ ورتالىق كوشەلەرىنىڭ بىرىندە جاسالدى.
ال « ۇلى دالانىڭ ۇلى ەسىمدەرى» جوباسى اياسىندا ءوڭىردىڭ وركەندەۋىنە ۇلەس قوسقان ادامدار دارىپتەلەدى.
اقسۋ قالاسى مەن اۋىلدىق اۋماعىندا 6 جوبا جۇزەگە اسىرىلۋدا.
ياعني «اقسۋ تولقىنى» اتتى ءبىرىنشى رەسپۋبليكالىق ءداستۇرلى اندەر كونكۋرسى وتكىزىلسە, بايعابىل جىلقىباەۆتىڭ ءمۇسىنى تۋعان اۋىلى قۇركولدە بوي كوتەرەدى.
اققۋلى اۋدانىندا حالىق ءارتىسى, كۇيشى رۇستەمبەك وماروۆتىڭ 100 جىلدىعىنا وراي «كۇي ونەرىنىڭ سارىنى» كۇيشىلەر بايقاۋى باستالادى.
جوبانىڭ قورتىندىسىندا رۇستەمبەك وماروۆتىڭ «جاستىق شاق» كۇيىن اۋدان جاستارىنان قۇرالعان 100 كۇيشى ءبىر ۋاقىتتا ورىندايدى.
جاستار جىلى اياسىندا اۋداننىڭ جاستار ورتالىعى «جاس شاباندوز» جوباسىنا دايىندالۋدا.
جوبا اتقا وتىرۋ مادەنيەتىن ۇيرەتىپ قانا قويماي, «ەر قاناتى – ات» ەستافەتاسى, اساۋ ۇيرەتۋ, اۋدارىسپاق سياقتى ات سپورتىن كەڭىنەن ناسيحاتتايتىن شارالاردان تۇرادى.
ال, اقتوعاي اۋدانىندا «اقتوعايتانۋ» جوباسى جالعاسىپ جاتىر.
2018 جىلدان باستاپ ءار مەكتەپتىڭ 5-7 سىنىپتارىندا «اقتوعايتانۋ» ارنايى كۋرسى ەنگىزىلگەن. وسى ارنايى جوبادا جىل بويىنا تۋعان ولكەنىڭ تاريحى, اقتوعاي اۋدانىنىڭ تاريحي تۇلعالارى مەن وقيعالارى, فيزيكالىق-گەوگرافيالىق ورنالاسۋى, تاريحي ەسكەرتكىشتەرى وقىتىلدى.
بۇل جوبا اياسىندا ءتۇرلى كونكۋرستار, كوركەمسوز وقۋ سايىستارى مەن وقۋلار وتكىزىلۋ قاراستىرىلعان.
باياناۋىل اۋدانىندا «Ruhty Qazaqstan» جوباسى ىسكە اسىرىلماق. جوبا اياسىندا اۋدانداعى رەسپۋبليكالىق ماڭىزى بار 4 قاسيەتتى ورىنعا ەكسكۋرسيالىق تۋر ۇيىمداستىرىلادى.
شاراعا اۋداننىڭ جاس ماماندارى مەن بەلسەندىلىكپەن كوزگە تۇسكەن جاستاردى قولداۋ ماقساتىندا, ولاردىڭ ەڭبەگىن باعالاپ, جىگەرىن كوتەرۋگە نەگىزدەلگەن. بۇگىنگى كۇندە باياناۋىل اۋدانىندا 40-قا جۋىق جاس مەملەكەتتىك قىزمەتشى بار.
جەلەزينكا اۋدانىندا «رۋحاني جاڭعىرۋ» باعدارلاماسى اياسىندا «شابىت» بالالار مەن جاستار ورتالىعى اشىلادى. بالالار مەن جاستار ورتالىعىنىڭ اشىلۋى اۋداننىڭ دا, جالپى وبلىستىڭ دا شىعارماشىلىق الەۋەتىنە جاعىمدى اسەر ەتەدى.
ەرتىس اۋدانىنىڭ ەكوجۇيەسىن جاقسارتۋعا باعىتتالعان «المالى باق – بەرەكەنىڭ قاينارى» جوباسى اياسىندا 200 الما اعاشى وتىرعىزىلدى.
بۇل ايماقتى كەلەشەكتە اباتتاندىرىپ, دەمالىس ورنىنا اينالدىرۋ كوزدەلگەن.
ماي اۋدانى دا «الما باعى» تامشىلاپ سۋارۋ تəسىلىمەن الما اعاشىن ەگىپ, ءونىم الىپ, جاستاردى ەڭبەككە باۋلۋ جوباسىن قولعا الدى.
تەك جوبا باستالۋىن باستالىپ, سوڭىنا جەتپەي, اعاشتار وسپەي, كۇتىمسىز قالماسا بولعانى.
«Tildes» ءتىل ورتالىعى ارنايى جوباسى اياسىندا لاتىن گرافيكاسىن وقىتۋ ورتالىعى جوباسى ىسكە اسىرىلۋعا ۇسىنىلادى. وقىتۋ ورتالىعى اۋداندىق كىتاپحانادا اشىلادى.
تەرەڭكول اۋدانىندا جاستار جىلىن مەرەكەلەۋ بارىسىندا ءنوۆوسىبىر وبلىسىنا ءىس-ساپار جوسپارلانعان.
ياعني ەكى مەملەكە اراسىندا ۇلتتىق قۇندىلىقتارىمىزدى ناسيحاتتاپ, دوستىق قارىم-قاتىناستى نىعايتۋ ماقساتى كوزدەلگەن.
سونىمەن قاتار وسى اۋداندا سەيدىلدا قاجى تۇيتەبەك ۇلىنىڭ كەسەنەسىن سالۋدى جوسپارلاپ وتىر.
«شارباقتى اۋدانى تاريحىن جانە اۋدان اۋماعىنداعى ارحەولوگيالىق ەسكەرتكىشتەردى زەرتتەۋ جانە ىزدەۋ جۇمىستارىن جۇرگىزۋ» جوباسى اياسىندا اۋدان اۋماعىنداعى ارحەولوگيالىق ەسكەرتكىشتەردى زەرتتەۋ جانە وسى ەسكەرتكىشتەر جيناعىن باسىپ شىعارۋ كوزدەلگەن.
«اۋىلىم – التىن قازىنام» جوباسى ارقىلى ۋسپەن اۋدانىنىڭ تاريحى تۇگەندەلمەك. كونەكوز قاريالاردان اۋدان مەن اۋىلدىڭ قۇرىلۋى, وتكەن عاسىرلارداعى اڭىز-ءاپسانالار جيناقتالادى.
سونىمەن بىرگە ۋسپەن اۋدانىنىڭ ماڭىندا ارحەولوگيالىق ەكسپەديتسيا مۇشەلەرىمەن بىرلەسە وتىرىپ قورعاندار مەن ۇيىندىلەرگە قازبا جۇمىستارىن جۇرگىزۋ جانە ولاردى زەرتتەۋ جۇمىستارى جوسپارلانۋدا.
ال پاۆلودار اۋدانىنا وڭتۇستىكتەن كوشىپ كەلگەن وتباسىلار ءۇشىن «ارناۋ» فەستيۆالى ۇيىمداستىرىلادى.