- كوپتەن كۇتكەن شىرايلى جاز جايما شۋاق جانە جىلۋلىق سەزىمدەرگە تولى وقيعالارمەن تۇسپا-تۇس كەلىپ وتىر. وسىنداي وقيعالاردىڭ ءبىرى حالىقارالىق بالالاردى قورعاۋ كۇنىنە ارنالعان مەرەكەلىك شارالار بولدى.
بالالارعا قامقورلىق تانىتىپ, ولاردىڭ بالالىق شاعىن قىزىقتى ەتكەن ابزال. بالانىڭ كۇلكىسى مەن قۋانىشقا تولى جانارى الەمدەگى ەڭ ۇلكەن بايلىق. حالىقارالىق بالالاردى قورعاۋ كۇنى ءار بالانىڭ بالالىق داۋرەنى قىزىققا تولى ءارى باقىتتى بولۋى تيىستىگىن تاعى ءبىر رەت ەسكە سالادى. بالالاردىڭ كوڭىل-كۇيىن شات-شادىمان قىلۋ, جاعىمدى ەموتسيالار, دوستىق, پاتريوتيزم سەزىمىن تۋعىزۋ, ولاردىڭ اراسىنداعى دوستاستىق قارىم-قاتىناستى جاقسارتۋ وتكىزىلىپ جاتقان ءىس-شارالاردىڭ نەگىزگى ماقساتى بولدى, دەيدى «باتىس» وڭىرلىك قولباسشىلىعىنىڭ ءباسپاسوز قىزمەتىنەن كاپيتان رۋستەم يگيسينوۆۇ
اتىراۋ, اقتوبە جانە اقتاۋ قالاسىندا مەرەكە اسكەري بولىمدەردىڭ اۋماعىندا ۇيىمداستىرىلدى. وندا ءارتۇرلى جاپپايى ويىندار (مەن اسفالتتا سۋرەت سالامىن, شارلاردى ۇرلەۋ جانە ت.ب.), جەرگىلىكتى انسامبل ارتىستەرىمەن كوڭىلدى بيلەر, انيماتورلاردىڭ ينتەراكتيۆتى باعدارلاماسى بولدى. سونداي-اق, وڭىرلىك اسكەري گارنيزونداردا اسكەري قىزمەتشىلەرى بالالارىنىڭ سۋرەتتەر كورمەسىنىڭ تۇساۋكەسەرى وتكىزىلدى. مەيرام سامالاداي جارىق, كوڭىلدى جانە اسەرلى بولدى. بالالار مەن ەرەسەكتەر كەرەمەت وڭ اسەرگە بولەندى. ءىس-شارا «فانتازيا» بالالار ستۋدياسى ازىرلەگەن مەرەكەلىك كونتسەرتپەن اياقتالدى.