بولاشاقتا قالانىڭ اكىمشىلىك-ىسكەرلىك جانە مادەني ورتالىعى بولاتىن بۇل جەردە الەۋمەتتىك جانە سپورتتىق عيماراتتار, گۇلزارلار, كونتسەرت زالى, بالالار مەن جاسوسپىرىمدەر سارايى جانە تاعى باسقا دا كوپتەگەن نىساندار قۇرىلىسى سالىنادى دەپ جوسپارلانعان.
– قازىر وبلىس ورتالىعىندا 1500-دەن استام كوپبالالى وتباسى اتاۋلى الەۋمەتتىك كومەك الادى. ولاردىڭ 500-گە جۋىعى قوعامدىق كولىكتە ءجۇرۋ جەڭىلدىگىمەن قامتاماسىز ەتىلگەن. كوپبالالى اتا-انالارعا بالاباقشالاردا 50% جەڭىلدىك قاراستىرىلعان. سونىمەن قاتار, ولاردىڭ بالالارى سپورتتىق سەكتسيالار مەن ۇيىرمەلەردە تەگىن اينالىسا الادى. ال جازدا «ساليۋت» لاگەرىندە دەمالۋعا مۇمكىندىك جاسالعان, – دەدى قالا اكىمى نۇرلان اۋباكىروۆ.
ەسكە سالساق, بيىلعى جىلدىڭ 1 مامىر كۇنى وبلىس ورتالىعىندا 10 كوپبالالى وتباسى جاڭا پاتەرلەردىڭ كىلتىنە يە بولعان-تىن. جالپى, قاراعاندى قالاسى بويىنشا مەملەكەتتىك تۇرعىن ءۇي قورىنان باسپانا الۋ كەزەگىندە كوپبالالى 494 وتباسى تۇر.
قاراعاندى وبلىسى