الماتىداعى جيىنعا ۇلتتىق قۇراما مۇشەلەرى تۇگەلدەي قاتىستى. جاتتىعۋ جيىنىندا نەگىزىنەن سپورتشىلاردىڭ جالپى فيزيكالىق دايىندىعىنا كوڭىل بولىنگەن.
«ماۋسىم اياقتالعالى بەرى وتكىزىلگەن العاشقى جيىنىمىز مارەسىنە جەتتى. ۇلتتىق قۇراما مەن جاسوسپىرىمدەر كومانداسىن بىرگە جاتتىقتىرعانداعى ماقسات - جاستاردىڭ ەرەسەكتەردەن ۇلگى الۋىنا سەبەپ بولۋ. رەزەرۆتەگى سپورتشىلارىمىز ارتتا قالماسىن دەگەن وي. جيىن جامان وتكەن جوق. ەندى ولارعا ءبىر اپتاداي ءۇزىلىس بەردىك. ءبىر جەتىدەن سوڭ ءبارىمىز استاناعا جينالامىز. ازىرگە, وقۋ-جاتتىعۋ جيىندارى ءوز ەلىمىزدە ۇيىمداستىرىلادى. قىركۇيەك ايىندا رەسەيدە حالىقارالىق تۋرنير وتپەك. سودان سوڭ الەم كۋبوگى كەزەڭدەرى دە باستالادى», دەدى كوماندا باس باپكەرى مادىعالي قارسىبەكوۆ.
باپكەردىڭ ايتۋىنشا, جاتتىعۋ جيىنىندا قۇرىلعان جوسپار 99 پايىز ورىندالعان.