سەيسەنبى, 9 ءساۋىر 2013 1:47
وتكەن جۇما كۇنى جامبىل وبلىسى قازاقستان حالقى اسسامبلەياسىنىڭ «بەيبىتشىلىك پەن كەلىسىمنىڭ جول كارتاسى» مەگا-جوباسى شەڭبەرىندە كورشىلەس جاتقان وڭتۇستىك قازاقستان وبلىسىنىڭ مەيماندارىن قارسى الدى. بۇل جوبا ەل پرەزيدەنتى نۇرسۇلتان نازارباەۆتىڭ قحا-نىڭ ءحVىى سەسسياسىندا بەرگەن تاپسىرماسى بويىنشا جۇزەگە اسىرىلىپ وتىر.
سەيسەنبى, 9 ءساۋىر 2013 1:47
وتكەن جۇما كۇنى جامبىل وبلىسى قازاقستان حالقى اسسامبلەياسىنىڭ «بەيبىتشىلىك پەن كەلىسىمنىڭ جول كارتاسى» مەگا-جوباسى شەڭبەرىندە كورشىلەس جاتقان وڭتۇستىك قازاقستان وبلىسىنىڭ مەيماندارىن قارسى الدى. بۇل جوبا ەل پرەزيدەنتى نۇرسۇلتان نازارباەۆتىڭ قحا-نىڭ ءحVىى سەسسياسىندا بەرگەن تاپسىرماسى بويىنشا جۇزەگە اسىرىلىپ وتىر.
وڭتۇستىك وڭىرلەر ەلىمىزدىڭ وندىرىستىك جانە اگرارلىق الەۋەتىن ارتتىرۋدا ەرەكشە ءرول اتقارادى. بۇل تۋرالى مەملەكەت باسشىسى الماتىدا وڭتۇستىك وبلىستار اكىمدەرىنىڭ ەسەپتەرىن تىڭداعان كەزدە ايتىلعان بولاتىن.
وبلىس وڭىرلىك جالپى ءونىمنىڭ 9 پايىزدىق وسىمىنە قول جەتكىزىپ وتىر. ەكونوميكانىڭ نەگىزگى سالالارىنا ينۆەستيتسيالار ۇلعايسا, كەدەيلىك دەڭگەيى تومەندەپ, ءومىر ساپاسى جاقسارا تۇسكەن.
وڭىردە جاسىل ەكونوميكانى دامىتۋعا قىزىعۋشىلىق باسىم. اتاپ ايتقاندا, تاياۋداعى ءۇش جىلدا توعىز بالامالى جاڭا ەنەرگيا كوزى جوسپارلى قۋاتىنا شىققان كەزدە ول 185 مەگاۆاتتى قۇرايتىن بولادى. تارتىلعان ينۆەستيتسيالار سوماسى 390 ملن. اقش دوللارىن قۇرايدى. «اۋليەاتا» اۋەجايىنىڭ ۇشۋ-قونۋ جولاعى قايتا جاڭعىرتىلىپ جاتىر. وبلىستا شاعىن سۋ قويمالارىنىڭ قۇرىلىسىن سالۋ ساياساتى جۇرگىزىلىپ كەلەدى. يندۋستريالاندىرۋ كارتالارى جوباسى جۇزەگە اسىرىلۋدا.
– بىزدەردە قوناقتارعا كورسەتەتىن دە, ايتاتىن دا نارسەلەرىمىز از ەمەس. ءوڭىر كوپۇلتتى جانە كوپكونفەسسيالى. ءوڭىردىڭ الەۋمەتتىك-ەكونوميكالىق دامۋىنداعى تابىستار تۇراقتى ەتنوسارالىق احۋالدىڭ, بەيبىتشىلىك پەن كەلىسىمنىڭ, ءار ەتنوس وكىلىنىڭ قازاقستاننىڭ يگىلىگى ءۇشىن ىستەگەن جۇمىسىنىڭ ارقاسىندا مۇمكىن بولدى, – دەيدى جامبىل وبلىستىق قازاقستان حالقى اسسامبلەياسى حاتشىلىعىنىڭ مەڭگەرۋشىسى لاريسا لىسوۆا.
وبلىستىق اسسامبلەيا مەن بارلىق ەتنومادەني قوعامدىق بىرلەستىكتەر بەلسەندى جۇمىس جۇرگىزىپ, تۇراقتىلىق پەن ەتنوسارالىق كەلىسىمدى نىعايتۋعا باعىتتالعان ساياساتتى جۇزەگە اسىرىپ كەلەدى.
مەگا-جوبا اياسىندا وبلىس ورتالىعى مەن ءوڭىر اۋداندارىندا جاستار شارالارى, «كونە تاراز – دوستىق اۋماعى» فەستيۆالى وتەتىن بولادى. جاستار «ءبىز – قازاقستان حالقىمىز!» فلەش-موبىن وتكىزۋگە جان-جاقتى دايىندىق ۇستىندە.
ال كورشى وبلىستان كەلگەن قوناقتار ۇلت باتىرى باۋىرجان مومىش ۇلىنىڭ جۋالى اۋدانىنداعى مۇراجايىنا بارىپ, ۇلى جىبەك جولى بويىندا جاتقان ورتالىق ازيانىڭ جاۋھارى – اتى اڭىزعا اينالعان ايشا ءبيبى كەسەنەسىندە بولدى. بۇل ورىندارعا الەمنىڭ بارلىق ەلدەرىنەن تۋريستەر كەلىپ تۇرادى.
وبلىستىق اسسامبلەيا قىزمەتىن كورسەتەتىن بەينەروليكتەر مەن بەينەفيلمدەر, سۋرەت كورمەلەرى دايىنداپ قويىلعان. ولاردا وڭىردە ءومىر ءسۇرىپ جاتقان ەتنوستاردىڭ ومىرلەرى تۋرالى جان-جاقتى اڭگىمە قوزعالادى.
بۇل جولعى شارا قازاقستان حالقى اسسامبلەياسىنىڭ مەرەيتويلىق حح سەسسياسى قارساڭىندا ۇيىمداستىرىلدى. اسسامبلەيانىڭ بارلىق مۇشەلەرى – ەتنوستار وكىلدەرى وسى فورۋمدى اسىعا كۇتىپ وتىر جانە ونىمەن ۇلكەن ۇمىتتەرىن بايلانىستىرادى. ال سەسسيانىڭ ۇرانى كىم-كىمنىڭ دە جۇرەگىنە جاقىن تاقىرىپ – «قازاقستان-2050» ستراتەگياسى: ءبىر حالىق – ءبىر ەل – ءبىر تاعدىر» دەپ اتالادى.
«ەگەمەن-اقپارات».